ថ្ងៃទី ១៧ ខែកញ្ញា នៅក្រុងប៉េកាំង លោក Guo ShengKun សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីក្រសួងសនិ្តសុខសាធារណៈប្រទេសចិនបានជួបសន្ទនាជាមួយប្រធានប្រតិភូនានាដែលអញ្ជើញមកចូលរួមសនិ្នសិទលើកទី៣១ នៃក្រុមប្រឹក្សានៃអង្គការប្រឆាំងភេរវកម្មក្នុងតំបន់នៃអង្គការសហប្រតិបតិ្តការសៀងហៃ ។
ក្នុងកិច្ចជំនួប លោក Guo Shengkun បានថ្លែងថា ប្រទេសចិនរីករាយរួមសហការជាមួយភាគីនានា សកម្មអនុវត្តមតិឯកភាពសំខាន់ដែលលោក ស៊ីជីនភីង ប្រធានរដ្ឋចិននិងថ្នាក់ដឹកនាំនៃប្រទេសជាសមាជិកបានឈានដល់ក្នុងសនិ្នសីទកំពូលនៃអង្គការសហប្រតិបតិ្តការសៀងហៃនៅក្រុង Actaha កាលពីខែមិថុនាឆ្នាំនេះ ភាគីចិនរីករាយបង្កើនសកម្មភាពផ្លាស់ប្តូរព័ត៌មាននិងការសម្របសម្រួលថែមមួយកម្រិតទៀត ដើម្បីបង្ការឲ្យបានម៉ត់ចត់និងប្រឆាំងយ៉ាងខ្លាំងក្លាចំពោះសកម្មភាពភេរវកម្មគ្រប់បែបយ៉ាង សកម្មភាពបំបែកបំបាក់និងជ្រុលនិយម និងរួមវិភាគទានកាន់តែធំឡើងសម្រាប់កិច្ចគាំពារសនិ្តភាពនិងស្ថិរភាពនៃប្រទេសនានានិងតំបន់ផងដែរ ៕
