ថ្ងៃទី១៧ខែកញ្ញាតាមម៉ោងតំបន់ នៅក្រុងប៉ាណាម៉ា លោកវ៉ាងអ៊ីរដ្ឋមន្រ្តីការបរទេសចិនបានពិកាក្សាការងារផ្នែកនយោបាយរវាងក្រសួងការបរទេសប្រទេសទាំងពីរជាលើកដំបូងជាមួយលោកSaint Malo អនុប្រធានាធិបតីនិងជារដ្ឋមន្រ្តីការបរទេសប៉ាណាម៉ា។
លោកវ៉ាងអ៊ីបានថ្លែងថា ប្រទេសចិនរីករាយក្នុងការរួមសហការជាមួយប្រទេសប៉ាណាម៉ាដើម្បីពង្រឹងមូលដ្ឋាននយោបាយនៃទំនាក់ទំនងរវាងប្រទេសទាំងពីរជានិរន្ត ហើយជឿជាក់ថា ប្រទេសប៉ាណាម៉ានឹងអាចដោះស្រាយបញ្ហាតៃវ៉ាន់ឲ្យបានសមរម្យដោយអនុលោមតាមសេចក្តីប្រកាសស្តីពីការបង្កើតទំនាក់ទំនងផ្លូវទូតរវាងប្រទេសទាំងពីរ ព្រមទាំងអនុវត្តជាក់ស្តែងនូវពាក្យសន្យាគ្រប់ខរបស់ខ្លួន។ ប្រទេសចិនរីករាយក្នុងការបង្កើនការប្រាស្រ័យទាក់ទងនិងការសម្របសម្រួលជាមួយប្រទេសប៉ាណាម៉ាក្នុងកិច្ចការពហុភាគី ក៏ដូចជាឆ្លៀតប្រើឥទ្ធិពលរបស់ខ្លួនដើម្បីគាំពារសិទ្ធិផលប្រយោជន៍ស្របច្បាប់និងត្រឹមត្រូវរបស់ប៉ាណាម៉ាក្នុកលើឆាកអន្តរជាតិ៕