ថ្ងៃទី១៥ ខែកក្កដា លោកJean-Yves le Drian រដ្ឋមន្រ្តីក្រសួងការបរទេសបារាំងបានអញ្ជើញទៅដល់ក្រុងជីតា ជាទីក្រុងតាមឆ្នេរសមុទ្រភាគនិរតីប្រទសអារ៉ាប៊ីសេអ៊ូឌិត ដើម្បីធ្វើការសម្របសម្រួលចំពោះវិបត្តិផ្តាច់ចំណងការទូតរវាងប្រទេសទាំងបួនដូចជាប្រទេសអារ៉ាប៊ីសេអ៊ូឌិតជាដើមជាមួយនឹងប្រទេសកាតារ ។ ក្នុងសន្និសីទកាសែតរួមដែលធ្វើក្រោមសហអធិបតីភាពរបស់លោកនិងលោករដ្ឋមន្រ្តីការបរទេសនៃប្រទេសអារ៉ាប៊ីសេអ៊ូឌិត លោក le Drianបានថ្លែងថា លោកមានក្តីព្រួយបារម្ភចំពោះវិបត្តិផ្តាច់ចំណងការទូតជាមួយនឹងកាតារមានភាពកាន់តែធ្ងន់ធ្ងរថែមទៀត សង្ឃឹមថា ការដាក់ទណ្ឌកម្មលើកាតារកុំប៉ះពាល់ដល់ប្រយោជន៍របស់ប្រជាជនឥតទោសពៃនោះទេ ។ លោក le Drianបានអំពាវនាវឲ្យប្រទេសទាំងបួនដូចជាប្រទេសអារ៉ាប៊ីសេអ៊ូឌិតជាដើមនិងកាតាររៀបចំធ្វើកិច្ចសន្ទនានិងការចរចា សំដៅដោះស្រាយវិបត្តិនេះក្នុងពេលដ៏ខ្លីខាងមុខនេះ ៕