ពិធីបើកការដ្ឋាននៃវិស្វកម្មផ្លូវរូងក្រោមដីVarignyនៃផ្លូវដែកល្បឿនលឿនពីហ្សាកាតាដល់បាងឌុងនៃប្រទេសឥណ្ឌូនេស៊ីដែលសាងសង់ដោយក្រុមហ៊ុនមានកម្រិតភាគហ៊ុនផ្លូវដែកប្រទេសចិនបានប្រារព្ធធ្វើនៅតំបន់Varignyនៃខេត្តហ្សាវ៉ាខាងលិចប្រទេសឥណ្ឌូនេស៊ីកាលពីថ្ងៃទី១៥ខែកក្កដា លោកស្រីRini Soemarnoរដ្ឋមន្រ្តីក្រសួងសហគ្រាសកម្មសិទ្ធិរដ្ឋឥណ្ឌូនេស៊ីបានអញ្ជើញចូលរួមពិធី។
ក្នុងពិធីបើកការដ្ឋាន លោកស្រីRini Soemarnoបានថ្លែងអំណរគុណចំពោះការខិតខំប្រឹងប្រែងរបស់សហគ្រាសចិនដែលម៉ៅវិស្វកម្មក្នុងកិច្ចកសាងផ្លូវដែកល្បឿនលឿនពីហ្សាកាតាដល់បាងឌុង ព្រមទាំងសំដែងការកោតសរសើរចំពោះកម្រិតឯកទេសនៃក្បួនវិស្វកម្មចិន។លោកស្រីបានថ្លែងថា ក្រសួងសហគ្រាសកម្មសិទ្ធិរដ្ឋនៃប្រទេសឥណ្ឌូនេស៊ីនឹងខំប្រឹងពេញទំហឹងក្នុងការគាំទ្រនិងគួបផ្សំនឹងការកសាងវិស្វកម្ម ផ្តល់ភាពងាយស្រួលគ្រប់បែបយ៉ាងដល់ការជំរុញដំណើរវិវឌ្ឍនៃវិស្វកម្ម សំដៅធានាជាក់លាក់ឲ្យវិស្វកម្មនេះអាចសម្រេចបានក្នុងពេលវេលាដែលកំណត់ជាមុន៕
