ថ្ងៃទី១៤ខែកក្កដា លោកវ៉ាងអ៊ីរដ្ឋមន្រ្តីការបរទេសចិនបានជួបពិភាក្សាការងារជាមួយលោកឡែខាកប្រធានមហាសន្និបាតអង្គការសហប្រជាជាតិលើកទី៧២ដែលអញ្ជើញទៅបំពេញទស្សនកិច្ចនៅប្រទេសចិន។
លោកវ៉ាងអ៊ីថ្លែងថា ប្រទេសចិនគាំទ្រយ៉ាងមុតមាំចំពោះវិធីសាស្រ្តពហុភាគីនិយម ហើយក៏គាំទ្រយ៉ាងមុតមាំចំពោះតួនាទីជាស្នូលរបស់អង្គការសហប្រជាជាតិសម្រាប់កិច្ចការអន្តរជាតិផងដែរ។ សង្ឃឹមថាមហាសន្និបាតអង្គការសហប្រជាជាតិលើកទី៧២អាចផ្តោតសំខាន់ទៅលើបញ្ហាធសំខាន់ៗពាក់ព័ន្ធនឹងវិស័យសន្តិភាពនិងវឌ្ឍនភាពពិភពលោក សំដៅជំរុញឲ្យមានការដោះស្រាយជម្លោះអន្តរជាតិតាមរយៈនយោបាយ ពន្លឿនការអនុវត្តជាក់ស្តែងនូវរបៀបវារៈស្តីពីការអភិវឌ្ឍជានិរន្តរភាពឆ្នាំ២០៣០ ជំរុញការអនុវត្តកិច្ចព្រមព្រៀងក្រុងប៉ារី ក៏ដូចជាខិតខំលើកកម្ពស់ប្រសិទ្ធភាពការងាររបស់អង្គការសហប្រជាជាតិ៕