ថ្ងៃទី ១៣ ខែ កក្កដា ឆ្នាំ ២០១៧ លោក Macron ប្រធានាធិបតីបារាំងនិងលោក Trump ប្រធានាធិបតីអាមេរិកបានបើកធ្វើកិច្ចជំនួបនៅក្រុងប៉ារីស ។ ភាគីទាំងពីរបានទទួលស្គាល់ថា មានការខ្វែងគំនិតគ្នាលើបញ្ហាបម្រែបម្រូលអាកាសធាតុ ប៉ុន្តែមិនបានយកបញ្ហានេះឲ្យក្លាយទៅជាឧបសគ្គក្នុងទំនាក់ទំនងរវាងប្រទេសបារាំងនិងសហរដ្ឋអមេរិកនោះឡើយ ។
នៅថ្ងៃដដែល បន្ទាប់ពីកិច្ចជំនួបនេះ លោក Macron ប្រធានាធិបតីបារាំងនិងលោក Trump ប្រធានាធិបតីអាមេរិកបានធ្វើសន្និសីទសារព័ត៌មានរួមគ្នា ។ ពេលថ្លែងពីកិច្ចព្រមព្រៀងទីក្រុងប៉ារីសស្តីពីបម្រែបម្រូលអាកាសធាតុ លោក Macron បាននិយាយថា ភាគីទាំងពីរមានការខ្វែងគំនិតគ្នាលើបញ្ហាបម្រែបម្រូលអាកាសធាតុ ។ លោក Macron គោរពការសម្រេចចិត្តរបស់លោក Trump ប៉ុន្តែលោកនៅតែរក្សាគោលជំហរអនុវត្តតាមកិច្ចព្រមព្រៀងទីក្រុងប៉ារីសដដែល ។ 
