ថ្ងៃទី ១៣ ខែកក្កដា ការិយាល័យសេដ្ឋកិច្ចនិងពាណិជ្ជកម្មនៃស្ថានទូតចិនប្រចាំនៅឥណ្ឌូនេស៊ីបានរៀបចំការជួបសំណេះសំណាលជាមួយសិក្ខាកាមឥណ្ឌូនេស៊ីដែលបានធ្វើមាតុភូមិនិវត្តន៍វិញបន្ទាប់ពីការចូលរួមសិក្ខាសាលាអំពីការរួមបញ្ចូលគ្នារវាងពាណិជ្ជកម្មនិងវប្បធម៌រវាងចិននិងឥណ្ឌូនេស៊ីឆ្នាំ ២០១៦ ដែលជាកម្មវិធីបណ្តុះបណ្តាលស្តីពីការផ្តល់ជំនួយដល់បរទេសនៃរដ្ឋាភិបាលចិន ។ លោក Wangliping ទីប្រឹក្សាពាណិជ្ជកម្មនៃស្ថានទូតចិនប្រចាំនៅឥណ្ឌូនេស៊ីបានថ្លែងថា ការដែលរដ្ឋាភិបាលចិនបើកសិក្ខាសាលាអំពីការរួមបញ្ចូលគ្នារវាងពាណិជ្ជកម្មនិងវប្បធម៌រវាងចិននិងឥណ្ឌូនេស៊ីលើកនេះ ជាវិធានការជាក់ស្តែងសម្រាប់ជំរុញការផ្លាស់ប្តូរក្នុងសង្គមស៊ីវិលរវាងចិននិងឥណ្ឌូនេស៊ី ក្នុងន័យបង្កើនការយល់ដឹងពីគ្នានិងភាពស្និទ្ធស្នាលរវាងប្រជាជននៃប្រទេសទាំងពីរ ។