លោកនាយករដ្ឋមន្ត្រីក្រិចជួបសន្ទនាជាមួយលោកវ៉ាងយី

ថ្ងៃទី ២៣ ខែមេសា លោកAlexis Tsipras នាយករដ្ឋមន្ត្រីប្រទេសក្រិចបានជួបសន្ទនាជាមួយលោកវ៉ាងយី រដ្ឋមន្ត្រីការបរទេសចិនដែលអញ្ជើញទៅបំពេញទស្សនកិច្ចផ្លូវការនៅក្រិចនិងចូលរួមវេទិកាប្រទេសបុរាណអរិយធម៌ ។

លោកAlexis Tsipras បានថ្លែងថា ខ្ញុំមានក្តីសោមនស្សរីករាយណាស់ដែលនឹងទៅចូលរួមវេទិកាកំពូលអំពីកិច្ចសហប្រតិបត្តិការអន្តរជាតិស្តីពីយុទ្ធសាស្ត្រខ្សែក្រវាត់មួយនិងផ្លូវមួយនៅប្រទេសចិនតបតាមសេចក្តីអញ្ជើញ ។ កម្មវិធីកំពង់ផែPiraeus ជាជំហានទី ១ សម្រាប់ភាគីទាំងពីរតភ្ជាប់ខាងយុទ្ធសាស្ត្រ ហើយមានអត្ថន័យជានិមិត្តសញ្ញា ។

លោកវ៉ាងយីថ្លែងថា ស្វាគមន៍លោកនាយករដ្ឋមន្ត្រីAlexis Tsipras អញ្ជើញទៅចូលរួមវេទិកាកំពូលអំពីកិច្ចសហប្រតិបត្តិការអន្តរជាតិស្តីពីយុទ្ធសាស្ត្រខ្សែក្រវាត់មួយនិងផ្លូវមួយនៅប្រទេសចិន រួមគ្នាពិភាក្សាផែនការឈ្នះ-ឈ្នះនិងមានផលប្រយោជន៍ដល់គ្នាទៅវិញទៅមក ហើយបញ្ចូលកម្លាំងចលករថ្មីទៅក្នុងកិច្ចសហប្រតិបត្តិការលើវិស័យនានារវាងចិននិងក្រិច ៕