ថ្ងៃទី២៣ខែមេសា កងការពារខ្លួនលើសមុទ្ររបស់ជប៉ុនបានចេញសេចក្តីថ្លែងការណ៍នៅលើវេបសាយផ្លូវការរបស់ខ្លួនថា ចាប់ពីថ្ងៃដដែលនេះតទៅ នាវាប្រដេញពីរគ្រឿងរបស់ជប៉ុននឹងធ្វើការសមយុទ្ធរួមជាមួយក្បួននាវាផ្ទុកយន្តហោះCarl Vinsonរបស់អាមេរិក។
ទីភ្នាក់ងារសារព័ត៌មានក្យូដូជប៉ុនបានសំអាងតាមដំណឹងមានពាក់ព័ន្ធរបស់រដ្ឋាភិបាលដោយផ្សាយថា ការសមយុទ្ធរួមនឹងដំណើរការរយៈពេលប៉ុន្មានថ្ងៃជាប់ ខ្លឹមសារសំខាន់គឺបូករួមទាំងសមយុទ្ធផ្នែកក្បួនយុទ្ធសាស្រ្តនិងទូរគមនាគមន៍ជាដើម។