តាមដំណឹងនៃស្ថានីយទូរទស្សន៍Tolo នៃប្រទេសអាហ្វហ្គានីស្ថានផ្សាយនៅថ្ងៃទី ២១ ខែមេសាឲ្យដឹងថា នៅថ្ងៃដដែល នោះ ទីប្រចាំការរបស់កងទ័ពរដ្ឋាភិបាលអាហ្វហ្គានីស្ថានដែលឋិតនៅក្រុង Mazar-i-Sharif ទីរួមខេត្ត Balkh បានរងការវាយប្រហារពីពួកឧទ្ទាមប្រដាប់អាវុធ បណ្តាលឲ្យមនុស្សយ៉ាងហោចណាស់៥០នាក់ស្លាប់បាត់បង់ជីវិត ។
ថ្ងៃទី ២១ ខែមេសា ក្រសួងការពារជាតិអាហ្វហ្គានីស្ថានបានចេញសេចកី្តថ្លែងការណ៍ថា ហេតុការណ៍វាយប្រហារបានកើតឡើងនៅវេលាប្រហែលម៉ោងរសៀល ២ តាមម៉ោងតំបន់ ពួកឧទ្ទាមប្រដាប់អាវុធមួយចំនួនបានក្លែងខ្លួនជាកងកម្លាំងរក្សាសន្តិសុខ ហើយធ្វើដំណើរតាមរថយន្តយោធាពីរគ្រឿងបន្លំចូលទៅទីប្រចាំការរបស់កងទ័ពរដ្ឋាភិបាលក្នុងតំបន់នេះ ។ ពេលកើតមានរឿងវាយប្រហារ ទាហានមួយចំនួនកំពុងធ្វើបូជនីយកិច្ចនៅវិហារអ៊ីស្លាម ។ ក្នុងការផ្ទុកអាវុធដាក់គ្នារបស់ភាគីទាំងពីរ មានអ្នកពួកឧទ្ទាមយ៉ាងហោចណាស់៥ នាក់ត្រូវបាញ់ស្លាប់ រីឯភាគីកងទ័ពរដ្ឋាភិបាលយ៉ាងហោចណាស់ ៨ នាក់ស្លាប់បាត់បង់ជីវិតនិង ១១ នាក់រងរបួស ។
អង្គការតាលីបង់បានប្រកាសថា ខ្លួនជាអ្នកបំផុសឲ្យមានរឿងវាយប្រហារលើកនេះ ៕