ថ្ងៃទី ២១ ខែមេសា នៅក្រុងអាស្តាណា លោក វ៉ាង យី រដ្ឋមន្ត្រីការបរទេសចិននិងលោក Abdrakhmanov រដ្ឋមន្ត្រីការបរទេសនៃប្រទេសកាហ្សាក់ស្ថានបានរួមគ្នាផ្តល់បទសម្ភាសន៍ជាមួយអ្នកសារព័ត៌មាន លោក វ៉ាង យី បានថ្លែងពីកិច្ចសហប្រតិបតិ្តការរវាងប្រទេសចិននិងកាហ្សក់ស្ថានលើកិច្ចកសាងយុទ្ធសាស្ត្រ"ខ្សែក្រវាត់មួយនិងផ្លូវមួយ" ។
លោក វ៉ាង យី បានគូសបញ្ជាក់ថា នៅខែកញ្ញា ឆ្នាំ ២០១៣ ពេលលោក ស៊ីជីនភីង ប្រធានរដ្ឋចិនបំពេញទស្សនកិច្ចនៅប្រទេសកាហ្សាក់ស្ថាន បានលើកឡើងជាលើកដំបូងនូវទស្សនទានដ៏មហិមា គឺសេចកី្តផ្តួចផ្តើមឲ្យមានការរួមគ្នាកសាងខ្សែក្រវាត់សេដ្ឋកិច្ចផ្លូវសូត្រ ។ ខ្សែក្រវាត់សេដ្ឋកិច្ចនៃផ្លូវសូត្របានលាតសន្ធឹងចេញពីប្រទេសចិនទៅកាន់ទិសខាងលិច ហើយគោលដៅទីមួយគឺប្រទេសកាហ្សាក់ស្ថាន ។ ប្រទេសចិនបានធ្វើកិច្ចសហប្រតិបតិ្តការលើវិស័យផលិតភាពជាមួយប្រទេសតាមបណ្តោយខ្សែក្រវាត់ផ្លូវសូត្រ ដៃគូទីមួយគឺប្រទេសកាហ្សាក់ស្ថាន ។ ប្រទេសចិនបានធ្វើការតភ្ជាប់គ្នាជាមួយបណ្តាប្រទេសតាមបណ្តោយខ្សែក្រវ៉ាត់ផ្លូវសូត្រលើវិស័យយុទ្ធសាស្ត្រអភិវឌ្ឍន៍ ប្រទេសដែលបានតភ្ជាប់គ្នាមុនគេ ក៏ជាប្រទេសកាហ្សាក់ស្ថានផងដែរ ។ ភាគីទាំងពីររួមគ្នាធ្វើកិច្ចកសាងលើយុទ្ធសាស្ត្រ"ខ្សែក្រវាត់មួយនិងផ្លូវមួយ" និងបានទទួលសមិទ្ធផលមួយចំនួនក្នុងដំណាក់កាលដំបូងរួចហើយ ៕
