ថ្ងៃទី២០ខែមេសា ក្រុមប្រឹក្សាសន្តិសុខអង្គការសហប្រជាជាតិបានចេញសេចក្តីថ្លែងការណ៍ ថ្កោលទោសចំពោះសកម្មភាពបាញ់បង្ហោះមីស៊ីលរបស់កូរ៉េខាងជើងនាពេលកន្លងទៅ ព្រមទាំងទាមទារឲ្យកូរ៉េខាងជើងឈប់ធ្វើតេស្តនុយគ្លែអ៊ែរតទៅទៀត។
សេចក្តីថ្លែងការណ៍សរសេរថា ក្រុមប្រឹក្សាសន្តិសុខថ្កោលទោសយ៉ាងខ្លាំងចំពោះសកម្មភាពបាញ់បង្ហោះមីស៊ីលរបស់កូរ៉េខាងជើងនាពេលថ្មីៗកន្លងទៅនេះ ព្រមទាំងផ្តោតការចាប់អារម្មណ៍យ៉ាងខ្លាំងចំពោះទង្វើរបស់កូរ៉េខាងជើងដែលមិនអើពើនឹងសេចក្តីសម្រេចចិត្តរបស់ក្រុមប្រឹក្សាសន្តិសុខដោយបានបំផ្លាញយ៉ាងធ្ងន់ធ្ងរដល់ស្ថិរភាពក្នុងតំបន់។ ក្រុមប្រឹក្សាសន្តិសុខបានទាមទារឲ្យកូរ៉េខាងជើងបញ្ឈប់ធ្វើតេស្តនុយគ្លែអ៊ែរតទៅទៀត ហើយគោរពយ៉ាងពេញលេញនូវសេចក្តីសម្រេចចិត្តពាក់ព័ន្ធរបស់ក្រុមប្រឹក្សាសន្តិសុខ៕
