ថ្ងៃទី ១៩ ខែមេសា ក្នុងសនិ្នសីទស្តីពីការជំរុញកិច្ចសហប្រតិបតិ្តការអន្តរជាតិផ្នែកផលិតភាពរបស់ខេត្តយូណាន លោកស្រី Liu Ying អនុប្រធាននៃគណៈកម្មាធិការអភិវឌ្ឍន៍និងកំណែទម្រង់របស់ខេត្តយូណានបានបង្ហើបឲ្យដឹងថា ក្រោមការខិតខំប្រឹងប្រែងរបស់ភាគីនានា កិច្ចសហប្រតិបតិ្តការផ្នែកផលិតភាពរវាងខេត្ត យូណាន និងបណ្តាប្រទេសតាមបណ្តោយ"ខ្សែក្រវាត់មួយនិងផ្លូវមួយ "ទទួលបានសមិទ្ធផលជាជំហានដំបូង ហើយខេត្តយូណានបានធ្វើកិច្ចសហប្រតិបតិ្តការផ្នែកផលិតភាពជាមួយប្រទេសអាស៊ានជាច្រើនដូចជាប្រទេសឡាវ មីយ៉ាន់ម៉ា វៀតណាមនិងកម្ពុជាជាដើម ។
លោកស្រី Liu Ying បានថ្លែងទៀតថា ខេត្តយូណាននឹងធ្វើឲ្យកិច្ចសហប្រតិបតិ្តការផ្នែកផលិតភាពជាមួយប្រទេសជិតខាងទាំង ៥នេះឲ្យទទួលបានការវិវឌ្ឍកាន់តែស៊ីជម្រៅ ដោយផ្សារភ្ជាប់ជាមួយនិងយុទ្ធសាស្ត្រ"ខ្សែក្រវាត់មួយនិងផ្លូវមួយ "និងផែនការអភិវឌ្ឍន៍ជាតិផ្សេងទៀតរបស់ប្រទេសចិន ។ ម្យ៉ាងវិញទៀតខេត្តយូណាមក៏នឹងពង្រីកកិច្ចសហប្រតិបតិ្តការនៅតំបន់អាស៊ីខាងត្បូង អាស៊ីកណ្តាល អាស៊ីខាងលិច ទ្វីបអាហ្វ្រីក និងអាមេរិកឡាទីនផងដែរ ៕