ថ្ងៃទី ១៩ ខែមេសា សភាជាន់ទាបនៃរដ្ឋសភាអង់គ្លេសបានរៀបចំការបោះឆ្នោតឲ្យសច្ចាប័នលើញាត្តិស្តីពីការរៀបចំការបោះឆ្នោតជាសកលមុនពេលកំណត់ជាលទ្ធផលត្រូវបានអនុម័តដោយសំឡេងគាំទ្រច្រើនលើសលុប ។ ប្រទេសអង់គ្លេសនឹងរៀបចំការបោះឆ្នោតជាសកលនៅថ្ងៃទី ៨ ខែមិថុនាខាងមុខនេះ ។
ថ្ងៃដដែល នៅពេលធ្វើការជជែកពិភាក្សាមុនពេលធ្វើការបោះឆ្នោតនៃសភាជាន់ទាបនៃរដ្ឋសភា លោកស្រី Theresa Mary Mayនាយករដ្ឋមន្រ្តីអង់គ្លេសបានមានប្រសាសន៍ថា ការរៀបចំការបោះឆ្នោតជាសកលមុនពេលកំណត់នឹងជួយឲ្យប្រទេសអង់គ្លេសដកខ្លួនចេញពីសហភាពអឺរ៉ុបដោយជោគជ័យ ព្រមនិងនាំមកនូវស្ថិរភាពសម្រាប់ប្រទេសអង់គ្លេសក្នុងរយៈពេលយូរអង្វែងទៀតផង ។
គួររំលឹកថា កាលពីថ្ងៃទី ១៨ ខែមេសា លោកស្រី Theresa Mary Mayបានប្រកាសដោយគេនឹកស្មានមិនដល់ថា នឹងរៀបចំធ្វើការបោះឆ្នោតជាសកលមុនពេលកំណត់ សំដៅឲ្យរដ្ឋាភិបាលថ្មីតាងនាមប្រទេសអង់គ្លេសទៅធ្វើការចរចាស្តីពីការដកខ្លួនចចេញពីសហភាពអឺរ៉ុបជាមួយសហភាពអឺរ៉ុប ៕
