ថ្ងៃទី ១៨ ខែមេសា ក្រសួងការបរទេសចិនបានរៀបចំធ្វើសន្និសីទសារព័ត៌មានសម្រាប់អ្នកកាសែតជាតិនិងអន្តរជាតិ ។ លោកវ៉ាង អ៊ី រដ្ឋមន្រ្តីក្រសួងការបរទេសចិននិងលោកវ៉ា ស្យ៊ាវថាវ អនុប្រធានគណៈកម្មាធិការជាតិអភិវឌ្ឍន៍និងកំណែទម្រង់ចិនបានឧទ្ទេសនាមពីសភាពការណ៍ពាក់ព័ន្ធនឹងសកម្មភាពមួយចំនួននៃវេទិកាកំពូលស្តីពីកិច្ចសហប្រតិបត្តិការអន្តរជាតិអំពីយុទ្ធសាស្រ្ត"ខ្សែក្រវាត់មួយនិងផ្លូវមួយ" ព្រមនិងឆ្លើយតបនឹងសំណួររបស់អ្នកសារព័ត៌មាន ។
គួរបញ្ជាក់ថា វេទិកាកំពូលស្តីពីកិច្ចសហប្រតិបត្តិការអន្តរជាតិអំពីយុទ្ធសាស្រ្ត"ខ្សែក្រវាត់មួយនិងផ្លូវមួយ"នឹងបើកធ្វើនៅក្រុងប៉េកាំងពីថ្ងៃទី ១៤ ដល់ទី ១៥ ខែឧសភាខាងមុខនេះ ។ លោកស៊ី ជីនភីង ប្រធានរដ្ឋចិននឹងអញ្ជើញចូលរួមពិធីសម្ពោធបើកនៃវេទិកាលើកនេះនិងធ្វើជាគណៈអធិបតីនៃសន្និសីទកំពូលតុមូលនៃថ្នាក់ដឹកនាំទៀតផង ៕
