ថ្ងៃទី២៤ខែមីនា អង្គការប៉ូលិសព្រហ្មទណ្ឌអន្តរជាតិបានចេញសេចក្តីប្រកាសថា អង្គការរបស់ខ្លួនបានរួមសហការជាមួយប្រទេសអាមេរិកឡាទីននិងអាហ្វ្រិកខាងលិចធ្វើប្រតិបត្តិការបង្រ្កាបគ្រឿងញៀនក្នុងទ្រង់ទ្រាយធំពីថ្ងៃទី៦ដល់១៥ខែមីនា បានធ្វើការវាយបង្រ្កាបចំពោះអង្គការឧក្រិដ្ឋកម្មឆ្លងដែនក្នុងតំបន់ និងបានដកហូតគ្រឿងញៀនជាង៥៥តោន។
លោកJurgen Stockអគ្គលេខាធិការនៃអង្គការប៉ូលិសព្រហ្មទណ្ឌអន្តរជាតិបានថ្លែងនាថ្ងៃដដែលថា ប្រតិបត្តិការលើកនេះគឺធ្វើឡើងក្នុងគោលបំណងកាត់ផ្តាច់មធ្យោបាយសំខាន់សម្រាប់ការដឹកជញ្ជូនគ្រឿងញៀនពីក្នុងតំបន់ទាំងនេះទៅកាន់អឺរ៉ុប។ សរុបទាំងអស់មានភ្នាក់ងារនីតិប្រតិបត្តិជាង៥ពាន់នាក់ដែលមកពីប្រទេសចំនួន១៣បានចូលរួមប្រតិបត្តិការបង្រ្កាបគ្រឿងញៀនលើកនេះ ក្រោមកិច្ចសហការពីអាជ្ញាធរប៉ូលិសតាមតំបន់និងស្ថាប័នស៊ើបការណ៍បានចាប់ខ្លួនជនសង្ស័យសរុប៣៥៧នាក់ ជាការវាយបង្រ្កាបក្នុងទ្រង់ទ្រាយធំទៅលើអង្គការឧក្រិដ្ឋកម្មឆ្លងដែននៃ ប្រទេសអាមេរិកឡាទីននិងអាហ្វ្រិកខាងលិច៕