ថ្ងៃទី២៣ខែមីនា កិច្ចប្រជុំលើកទី៣៤នៃក្រុមប្រឹក្សាសិទ្ធិមនុស្សនៃអង្គការសហប្រជាជាតិដែលកំពុងបើកធ្វើនៅក្រុងហ្សឺណែវបានអនុម័តលើសេចក្តីសម្រេចចិត្ត២ស្តីពីសេដ្ឋកិច្ច សង្គមកិច្ចនិងសិទ្ធិវប្បធម៌ព្រមនិងសិទ្ធិស្បៀងអាហារ។ សេចក្តីសម្រេចចិត្តបានបង្ហាញជាក់លាក់ថានឹងបង្កើតសហគមន៍រួមវាសនាតែមួយរបស់មនុស្សលោក។ នេះជាលើកដំបូងហើយដែលទស្សនៈសំខាន់ស្តីពីសហគមន៍រួមវាសនាតែមួយរបស់មនុស្សលោកត្រូវបានដាក់បញ្ចូលទៅក្នុងសេចក្តីសម្រេចចិត្តរបស់ក្រុមប្រឹក្សាសិទ្ធិមនុស្សនៃអង្គការសហប្រជាជាតិ ដែលជានិមិត្តសញ្ញាកត់សម្គាល់ថាទស្សនៈនេះបានទៅជាចំណែកដ៏សំខាន់មួយនៃប្រព័ន្ធបញ្ចេញមតិផ្នែកសិទ្ធិមនុស្សអន្តរជាតិ៕