ព្រឹកថ្ងៃទី២៣ខែមីនា តាមម៉ោងតំបន់អូស្រ្តាលី លោកលីខឺឈាងនាយករដ្ឋមន្រ្តីចិនបានជួបពិភាក្សាជាមួយលោកTurnbullនាយករដ្ឋមន្រ្តីអូស្រ្តាលីនៅវិមានរដ្ឋសភានាក្រុងកង់បេរ៉ា។
លោកលីខឺឈាងបានថ្លែងថា ប្រទេសចិនរីករាយក្នុងការរួមសហការជាមួយប្រទេសនានារួមទាំងប្រទេសអូស្រ្តាលីផង ដើម្បីប្រកៀកស្មាគ្នាគាំពារសន្តិភាពនិងស្ថិរភាពនៃតំបន់អាស៊ីប៉ាស៊ីហ្វិករហូតដល់ពិភពលោកទាំងមូលផងដែរ។ ប្រទេសចិននឹងបន្តពង្រីកការបើកទូលាយចំពោះក្រៅប្រទេស ព្រមទាំងរួមសហការជាមួយភាគីអូស្រ្តាលីធ្វើការខិតខំប្រឹងប្រែងដើម្បីជំរុញទំនាក់ទំនងខាងសេដ្ឋកិច្ចនិងពាណិជ្ជកម្មទ្វេភាគីឲ្យទទួលបានការរីកចម្រើនកាន់តែច្រើន ក៏ដូចជាបញ្ចេញសញ្ញាវិជ្ជមានតាមរយៈប្រតិបត្តិការជាក់ស្តែងដើម្បីជំរុញសេរីភាពនិងភាពងាយស្រួលផ្នែកពាណិជ្ជកម្មនិងការវិនិយោគ និងគាំពារប្រព័ន្ធពាណិជ្ជកម្មជាសកលដែលមានស្រាប់ក្នុងពេលបច្ចុប្បន្ន ហើយបំពេញបន្ថែមកម្លាំងចលករយូរអង្វែងសម្រាប់ការអភិវឌ្ឍសេដ្ឋកិច្ចពិភពលោក និងផ្តល់ការប៉ាន់ប្រមាណដែលមានភាពនឹងនរ។