សន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានរបស់វេទិកាBoaoបានរៀបចំធ្វើនៅតំបន់Boaoខេត្តហៃណានប្រទេសចិននៅថ្ងៃទី ២៣ ខែមីនា។មគ្គុទេ្ទសក៍ប្រព័ន្ធសារព័ត៌មានចំនួនជាង២០រូបដែលមកពីប្រទេសនានាលើពិភពលោកបានចូលរួមសន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានលើកនេះ ដើម្បីពិគ្រោះពិភាក្សាគ្នាអំពីប្រធានបទ អនាគតថី្មនៃកិច្ចសហប្រតិបតិ្តការរវាងប្រព័ន្ធសារព័ត៌មានអាស៊ី។
ក្នុងសនិ្នសីទ ឯកឧត្តមគឹមគុណវឌ្ឍអគ្គនាយកទូរទស្សន៍ជាតិកម្ពុជាបានថ្លែងថា សន្និសីទតុមូលនៃមគ្គុទេសក៍ប្រព័ន្ធសារព័ត៌មាននៃវេទិកាបូអាវអាស៊ីប្រចាំឆ្នាំនេះ គឺធ្វើឡើងក្រោមប្រធានបទ អនាគតថ្មីនៃកិច្ចសហប្រតិបត្តិការរវាងប្រព័ន្ធសារព័ត៌មានអាស៊ី យើងទាំងអស់គ្នាបានដឹងច្បាស់ហើយថា ការផ្លាស់ប្តូរនិងកិច្ចសហប្រតិបត្តិការរវាងប្រព័ន្ធសារព័ត៌មានជាចំណងសម្រាប់តភ្ជាប់និងជាស្ពានសម្រាប់ឈានទៅរកការលុបបំបាត់ភាពភាន់ច្រឡំរវាងវប្បធម៌ទីទៃគ្នា បង្កើនការយោគយល់គ្នានិងការជឿទុកចិត្តលើគ្នា ព្រមនិងសម្រេចការស្វែងរកចំណុចឯកភាពគ្នានិងរក្សាទុកទស្សនៈផ្សេងគ្នា។សន្និសីទតុមូលនៃមគ្គុទេសក៍ប្រព័ន្ធសារព័ត៌មាននៃវេទិកាបូអាវអាស៊ីបានផ្តោតការយកចិត្តទុកដាក់ទៅលើបញ្ហាពិភាក្សាស្តីពីការបង្កើនកិច្ចសហប្រតិបត្តិការរវាងប្រព័ន្ធសារព័ត៌មានក្នុងតំបន់អាស៊ី ហើយប្រការនេះក៏ជាអ្វីដែលប្រព័ន្ធសារព័ត៌មានយើងចង់បានជាបន្ទាន់ផងដែរ។
អង្គប្រជុំបានឯកភាពគ្នាថា ដើម្បីការអភិវឌ្ឍនៃតំបន់អាស៊ី ប្រព័ន្ធសារព័ត៌មានអាស៊ីត្រូវដើរតួនាទីកាន់តែធំ។ទីមួយ ត្រូវដើរតួនាទីដែលមានលក្ខណៈស្ថាបនាលើវិស័យផ្សព្វផ្សាយព័ត៌មានប្រកបដោយសត្យានុម័ត ពិតប្រាកដ ត្រឹមត្រូវ និងគ្រប់ជ្រុងជ្រោយ។ទីពីរ ត្រូវដើរតួនាទីដែលមានលក្ខណៈស្ថាបនាលើវិស័យជំរុញការអភិវឌ្ឍទៅវិញទៅមក។ ទីបី ត្រូវដើរតួនាទីដែលមានលក្ខណៈស្ថាបនាលើវិស័យបង្កើនការយល់ដឹងពីគ្នានិងមិត្តភាព។