ថ្ងៃទី ២២ ខែមីនា លោកស្រីHua Chunying អ្នកនាំពាក្យក្រសួងការបរទេសចិនបានថ្លែងថា ក្នុងអំឡុងពេលដែលលោកRex Tillerson បំពេញទស្សនកិច្ចនៅប្រទេសចិន ប្រទេសចិននិងអាមេរិកបានឈានដល់មតិឯកភាពគ្នាយ៉ាងជាក់ច្បាស់មួយគឺការប្រកាន់យកស្មារតីមិនប៉ះទង្គិចគ្នានិងមិនបដិបក្ខគ្នា គោរពគ្នាទៅវិញទៅមក សម្រេចកិច្ចសហប្រតិបត្តិការឈ្នះ-ឈ្នះ និងខិតខំអភិវឌ្ឍទំនាក់ទំនងរវាងប្រទេសចិននិងអាមេរិកដែលឈរលើទីចាប់ផ្តើមថ្មី ។ ប្រការនេះជាវិធីរួមរស់ជាមួយគ្នាដ៏ត្រឹមត្រូវសម្រាប់មហាប្រទេសទាំងពីរចិននិងអាមេរិក ។
លោកស្រីHua Chunying បានថ្លែងថា ប្រទេសចិនរីករាយបង្កើនការប្រាស្រ័យទាក់ទងជាមួយអាមេរិក ដើម្បីស្វែងយល់ពីគ្នាឲ្យកាន់តែស៊ីជម្រៅ បង្កើនការកសាងទំនុកចិត្តលើគ្នា ដោះស្រាយការខ្វែងគំនិតដោយសមរម្យ ពង្រីកឥតឈប់ឈរនូវកិច្ចសហប្រតិបត្តិការរវាងទ្វេភាគី ក្នុងតំបន់និងអន្តរជាតិ សំដៅជំរុញទំនាក់ទំនងរវាងប្រទេសចិននិងអាមេរិកឲ្យទទួលបានការអភិវឌ្ឍកាន់តែច្រើនដោយឈរលើទីចាប់ផ្តើមថ្មី ៕