ថ្ងៃទី ២១ខែមីនា សេតវិមានអាមេរិកបានប្រកាសថា លោកត្រាំប្រធានាធិបតីអាមេរិកនឹងចូលរួមសន្និសីទកំពូលអង្គការណាតូដែលនឹងបើកធ្វើនៅក្រុងប៊្រុចសែលនៃប្រទេសបែលហ្ស៊ីកនៅថ្ងៃទី២៥ខែឧសភាខាងមុខនេះ។
នៅថ្ងៃដដែល សេតវិមានអាមេរិកបានចេញសេចក្តីថ្លែងការណ៍ថា ក្នុងអំឡុងពេលចូលរួមសន្និសីទកំពូលអង្គការណាតូជាលើកដំបូង លោកត្រាំនឹងរំលឹកឡើងវិញនូវគោលជំហររបស់អាមេរិកស្តីពីការគាំទ្រយ៉ាងមុតមាំចំពោះអង្គការណាតូ ព្រមទាំងជួបពិគ្រោះពិភាក្សាជាមួយប្រមុខរដ្ឋ–រដ្ឋាភិបាលនៃប្រទេសផ្សេងទៀតអំពីតួនាទីរបស់អង្គការណាតូលើវិស័យបង្រ្កាបភេរវកម្មនិយមនិងបែបបទរំលែកការទទួលខុសត្រូវផ្ទៃក្នុងរបស់អង្គការណាតូ។