ថ្ងៃទី២១ខែមីនា លោកPrayutនាយករដ្ឋមន្រ្តីថៃបានជួបពិភាក្សាការងារជាមួយលោកឌូតឺទេប្រធានាធិបតីហ្វីលីពីនដែលកំពុងបំពេញទស្សនកិច្ចផ្លូវរដ្ឋនៅប្រទេសថៃ។ ភាគីទាំង២បានគូសបញ្ជាក់នូវភាពចាំបាច់នៃការអនុវត្តដោយគ្រប់ជ្រុងជ្រោយនិងមានប្រសិទ្ធភាពនូវសេចក្តីប្រកាសប្រតិបត្តិរបស់បណ្តាភាគីសមុទ្រចិនខាងត្បូង ព្រមនិងសន្យាថានឹងខិតខំដើម្បីជំរុញឲ្យសម្រេចបាននូវក្របខ័ណ្ឌនៃក្រមប្រតិបត្តិសមុទ្រចិនខាងត្បូង។
លោកឌូតឺទេបានថ្លែងថា បណ្តាប្រទេសនានាគប្បីគោរពសិទ្ធិសេរីភាពផ្នែកអាកាសចរណ៍និងនាវាចរណ៍នៅសមុទ្រចិនខាងត្បូង ប្រការនេះកឺជាលក្ខ័ខ័ណញឌមូលដ្ឋានសម្រាប់ការធានាដល់ការអភិវឌ្ឍក្នុងតំបន់។
ជាការឆ្លើយតប លោកPrayutបានថ្លែងថា ការកសាងសមុទ្រចិនខាងត្បូងឲ្យទៅជាសមុទ្រដែលប្រកបដោយសន្តិភាព ស្ថិរភាពនិងការអភិវឌ្ឍជានិរន្តរភាពជាគោលដៅខ្ពស់បំផុតរបស់បណ្តាប្រទេសនានា មានតែធ្វើបែបនេះទើបអាចឲ្យប្រជាជនក្នុងតំបន់ទទួលបានផលប្រយោជន៍ទាំងអស់គ្នា៕
