ថ្ងៃទី ២១ ខែមីនា ប្រទេសចិននិងអ៊ីស្រាអែលបានចេញសេចក្តីថ្លែងការណ៍រួមនៅក្រុងប៉េកាំង ដោយបានបញ្ជាក់ថា ប្រទេសទាំងពីរបបានង្កើតទំនាក់ទំនងភាពជាដៃគូគ្រប់ជ្រុងជ្រោយផ្នែកច្នៃប្រឌិតថ្មី ។
សេចក្តីថ្លែងការណ៍រួមស្តីពីការបង្កើតទំនាក់ទំនងភាពជាដៃគូគ្រប់ជ្រុងជ្រោយផ្នែកច្នៃប្រឌិតថ្មីរវាងសាធារណរដ្ឋប្រជាមានិតចិននិងប្រទេសអ៊ីស្រាអែលបានលើកឡើងថា ក្នុងនាមជាមហាប្រទេសសេដ្ឋកិច្ចលើពិភពលោក ប្រទេសចិនបាននិងកំពុងអនុវត្តយុទ្ធសាស្រ្តអភិវឌ្ឍន៍ក្រោមការជំរុញនៃការច្នៃប្រឌិតថ្មី ចំណែកឯប្រទេសអ៊ីស្រាអែលមានឋានៈនាំមុខលើវិស័យច្នៃប្រឌិតថ្មី សិក្សាស្រាវជ្រាវនិងផលិតដែលពិភពលោកទទួលស្គាល់ ។ហេតុនេះ ការបន្តធ្វើឲ្យកាន់តែស៊ីជម្រៅនូវកិច្ចសហប្រតិបត្តិការរវាងប្រទេសចិននិងអ៊ីស្រាអែលមានសក្តានុពលយ៉ាងធំធេង ។ ប្រការដែលប្រទេសទាំងពីរឈរលើមូលដ្ឋានដែលគោរពគ្នានិងមានសមភាព ខិតខំពង្រឹងនិងពង្រីកកិច្ចសហប្រតិបត្តិការផ្នែកច្នៃប្រឌិតថ្មី គឺសមស្របនឹងផលប្រយោជន៍ជាមូលដ្ឋាននៃប្រទេសនិងប្រជាជននៃប្រទេសទាំងពីរ និងមានអត្ថប្រយោជន៍វែងឆ្ងាយចំពោះការអភិវឌ្ឍនៃប្រទេសទាំងពីរ ៕