ថ្ងៃទី ២១ ខែមីនា នៅក្រុងប៉េកាំង លោកស៊ី ជីនភីង ប្រធានរដ្ឋចិនបានជួបពិភាក្សាការងារជាមួយលោកBenjamin Netanyahu នាយករដ្ឋមន្រ្តីអ៊ីស្រាអែល បន្ទាប់មកភាគីទាំងពីរបានប្រកាសថា ប្រទេសទាំងពីរបង្កើតទំនាក់ទំនងភាពជាដៃគូគ្រប់ជ្រុងជ្រោយផ្នែកច្នៃប្រឌិតថ្មី ។
លោកស៊ី ជីនភីងបានថ្លែងថា ប្រការដែលប្រទេសទាំងពីរបង្កើតទំនាក់ទំនងភាពជាដៃគូគ្រប់ជ្រុងជ្រោយផ្នែកច្នៃប្រឌិតថ្មីនឹងជំរុញថែមទៀតនូវកិច្ចសហប្រតិបត្តិការផ្នែកច្នៃប្រឌិតថ្មីរវាងប្រទេសទាំងពីរចិននិងអ៊ីស្រាអែល ដើម្បីសម្រេចឲ្យបានកាន់តែល្អនូវការបំពេញបន្ថែមគ្នាផ្អែកឧត្តមានុភាពរៀងខ្លួន សំដៅផ្តល់ផលប្រយោជន៍ជាក់ស្តែងកាន់តែច្រើនដល់ប្រជាជននៃប្រទេសទាំងពីរ ។
ជាការឆ្លើយតប លោក Benjamin Netanyahu បានថ្លែងថា ប្រទេសអ៊ីស្រាអែលរីករាយក្នុងការចាត់ទុកការបង្កើតទំនាក់ទំនងភាពជាដៃគូគ្រប់ជ្រុងជ្រោយផ្នែកច្នៃប្រឌិតថ្មីរវាងប្រទេសចិននិងអ៊ីស្រាអែលជាកាលានុវត្តភាពមួយ ដើម្បីដើរតួនាទីយ៉ាងពេញលេញនៃឧត្តមានុភាពផ្នែកបច្ចេកវិទ្យានិងការច្នៃប្រឌិតថ្មីរវាងប្រទេសទាំងពីរ ជំរុញឲ្យកិច្ចសហប្រតិបត្តិការដ៏ស្អិតល្មួតលើគ្រប់វិស័យរវាងប្រទេសទាំងពីរ អាចផ្តល់សុខសុភមង្គលដល់ប្រជាជននៃប្រទេសទាំងពីរ ក៏ដូចជាជំរុញការអភិវឌ្ឍនៃពិភពលោកឲ្យមានភាពរុងរឿងថ្កុំថ្កើង ៕