ថ្ងៃទី២០ខែមីនា លោកលីខឺឈាងនាយករដ្ឋមន្រ្តីចិនបានជួបពិភាក្សាជាមួយតំណាងបរទេសដែលទៅចូលរួមកិច្ចប្រជុំប្រចាំឆ្នាំនៃវេទិកាជាន់ខ្ពស់ស្តីពីការអភិវឌ្ឍរបស់ប្រទេសចិននៅទីស្តីការរដ្ឋតាវយូថៃ ដើម្បីធ្វើការផ្លាស់ប្តូរមតិយោបល់ជាមួយតំណាងគ្រប់រូប។
លោកលីខឺឈាងបានថ្លែងថា បច្ចុប្បន្ននេះ និន្នាការដែលសេដ្ឋកិច្ចមានស្ថិរភាពក៏ដូចជាកាន់តែមានភាពល្អប្រសើរឡើងបានបង្ហាញច្បាស់ថែមទៀត ពោលគឺគុណភាពនិងប្រសិទ្ធភាពនៃការអភិវឌ្ឍត្រូវបានលើកកម្ពស់ជាបន្តបន្ទាប់ និងបានពន្លឿនការលើកកម្ពស់និងកែលម្អរចនាសម្ព័ន្ធនិងការតភ្ជាប់រវាងកម្លាំងចលករចាស់និងថ្មី។ ប្រទេសចិនបានផ្តោតសំខាន់លើកំណែទម្រង់ផ្នែកផ្គត់ផ្គង់ អនុវត្តដោយស៊ីជម្រៅនូវយុទ្ធសាស្រ្តអភិវឌ្ឍដែលជំរុញដោយការច្នៃប្រឌិតថ្មី ជំរុញជាបន្តបន្ទាប់ឲ្យប្រជាជនបង្កើតមុខរបរនិងធ្វើការច្នៃប្រឌិតថ្មី។ ឧស្សាហកម្មថ្មីនិងរូបមន្តថ្មីដែលពឹងផ្អែកទៅលើបណ្តាញអ៊ីនធើណែតកំពុងក្លាយជាកម្លាំងចលករដ៏សំខាន់សម្រាប់ជំរុញសេដ្ឋកិច្ចចិន។ ប្រទេសចិនប្រកាន់ខ្ជាប់នូវគោលការណ៍លើកទឹកចិត្តការច្នៃប្រឌិតថ្មី ប្រកបដោយបរិយាប័ន្ននិងមានភាពមធ្យ័ត ខិតខំធ្វើការត្រួតពិនិត្យនិងការណែនាំឲ្យបានល្អ ក្នុងន័យជំរុញមុខរបរងើបឡើងថ្មីឲ្យអភិវឌ្ឍដោយបរិសុទ្ធ ហើយរីករាយរួមសហការដោយស៊ីជម្រៅជាមួយរដ្ឋាភិបាលនិងសហគ្រានៃប្រទេសនានាសំដៅសម្រេចការផ្តល់ផលប្រយោជន៍ដល់គ្នានិងឈ្នះ-ឈ្នះ៕
