ថ្ងៃទី ២០ ខែមីនា លោកវ៉ាងអ៊ី រដ្ឋមន្រ្តីការបរទេសចិនបានអញ្ជើញចូលរួមវេទិកាជាន់ខ្ពស់អំពីការអភិវឌ្ឍប្រទេសចិនប្រចាំឆ្នាំ ២០១៧ ដែលបើកធ្វើនៅក្រុងប៉េកាំង ព្រមនិងថ្លែងសុន្ទរកថាដោយបានលើកពីបញ្ហានៃស្ថានការណ៍ឧបទ្វីបកូរ៉េ ។
លោកវ៉ាងអ៊ីបានថ្លែងថា ក្នុងរយៈពេលជាយូរកន្លងទៅ ប្រទេសចិនបានប្រកាន់ខ្ជាប់គោលដៅចម្បងគឺជំរុញឲ្យឧបទ្វីបកូរ៉េគ្មានអាវុធនុយគ្លេអ៊ែរដោយបានធ្វើការខិតខំប្រឹងប្រែងឥតឈប់ឈរសំដៅដោះស្រាយបញ្ហានុយគ្លេអ៊ែរនៅឧបទ្វីបកូរ៉េដោយសន្តិវិធី។
ដើម្បីទប់ទល់នឹងវិបត្តិឧបទ្វីបកូរ៉េ ប្រទេសចិនសូមលើកសំណើថា ជាបឋម កូរ៉េខាងជើងត្រូវផ្អាកសកម្មភាពបង្ហោះគ្រាប់មីស៊ីល ចំណែកឯសហរដ្ឋអាមេរិកនិងកូរ៉េខាងត្បូងក៏ត្រូវផ្អាកធ្វើសមយុទ្ធយោធាដែលមានទ្រង់ទ្រាយធំដែរ ។ ឆ្លងតាមរយៈការផ្អាកធ្វើសកម្មភាពទាំងពីរនេះ ដើម្បីបម្រះខ្លួនចេញពីភាពជាប់គាំងខាងសន្តិសុខក្នុងពេលបច្ចុប្បន្ន និងជំរុញឲ្យបណ្តាភាគីវិលត្រឡប់ទៅរកតុចរចាជាថ្មីឡើងវិញ ។ បន្ទាប់មកអនុលោមតាមគំនិតដែលអនុវត្តវិធីសាស្រ្តពីរទន្ទឹមគ្នា ដើម្បីគួបផ្សំគ្នានូវការសម្រេចបាននូវឧបទ្វីបកូរ៉េគ្មានអាវុធនុយគ្លេអ៊ែរជាមួយនិងការបង្កើតយន្តការសន្តិសុខនៅឧបទ្វីបកូរ៉េ ៕