ថ្ងៃទី ១៩ ខែមីនា លោក Khalid អគ្គស្នងការនគរបាលនៃប្រទេសម៉ាឡេស៊ីបានថ្លែងថា ក្នុងពេលធ្វើការស៊ើបអង្កេតចំពោះសំណុំរឿងធ្វើឃាតបុរសសញ្ជាតិកូរ៉េខាងជើង សមត្ថកិច្ចប៉ូលិសបានរកឃើញថា ក្រៅពីអ្នកជាប់សង្ស័យប៉ុន្មាននាក់ដែលបានប្រកាសកាលពីមុន ប្រហែលនៅមានជនជាប់ពាក់ព័ន្ធច្រើននាក់ទៀត ក្នុងនោះរួមមានបុគ្គលសំខាន់ផងដែរ ។
តាមដំណឹងនៃទីភ្នាក់ងារសារព័ត៌មានម៉ាឡេស៊ីឲ្យដឹងថា ពេលចូលរួមសកម្មភាពនៅក្រុង Malacca នៅថ្ងៃដដែល លោក Khalid បានថ្លែងថា អ្នកជាប់សង្ស័យក៏មានប្រជាពលរដ្ឋកូរ៉េខាងជើងផងដែរ សមត្ថកិច្ចប៉ូលិសនឹងតាមចាប់ខ្លួនជនសង្ស័យទៅតាមច្បាប់ឬតាមនីតិវិធីសមរម្យណាមួយ បច្ចុប្បន្ននេះ មិនអាចបង្ហើបពីអត្តសញ្ញាណរបស់ពួកគេនៅឡើយទេ ។
លោក Khalid បានថ្លែងទៀតថា ប្រទេសម៉ាឡេស៊ីមិនចង់មានការពាក់ព័ន្ធនឹងកិច្ចការនយោបាយរបស់ប្រទេសដទៃទេ ប៉ុន្តែការស៊ើបអង្កេតចំពោះអំពើឃាតកម្មដែលកើតឡើងក្នុងប្រទេស គឺជាភារកិច្ចរបស់សមត្ថកិច្ចប៉ូលិសម៉ាឡេស៊ី ៕