សារព័ត៌មានពិភពលោកហ្វីលីពីនចេញផ្សាយថ្ងៃទី១៨ខែមីនាបានចុះផ្សាយបទវិចារណកថាក្រោមចំណងជើងថា ទំនាក់ទំនងហ្វីលីពីននិងចិនមានអនាគតភ្លឺស្វាង ដែលបានវាយតម្លៃចំពោះដំណើរទស្សនកិច្ចរបស់លោកវ៉ាងយ៉ាងឧបនាយករដ្ឋមន្រ្តីចិននៅហ្វីលីពីន និងបានបង្ហាញពីសុទិដ្ឋិនិយមចំពោះអនាគតនៃទំនាក់ទំនងទ្វេភាគីរវាងចិននិងហ្វីលីពីន។
អត្ថបទបានសរសេរថា លោកឌូតឺទេប្រធានាធិបតីហ្វីលីពីនបានច្រានចោលការជំទាស់របស់មនុស្សភាគច្រើន សម្រេចលើទុកជម្លោះនៅមួយអន្លើសិន ហើយជំរុញការអភិវឌ្ឍទំនាក់ទំនងមេត្រីភាពជាមួយប្រទេសចិន ដែលបានចំណាយអស់កម្លាំងកាយចិត្តមិនតិចទេ ហើយកិច្ចខិតខំប្រឹងប្រែងក៏មិនងាយស្រួលផងដែរ។ ការស្តារឡើងវិញដោយគ្រប់ជ្រុងជ្រោយនូវទំនាក់ទំនងរវាងចិននិងហ្វីលីពីនគឺបានមកដោយមិនងាយទេ វាសមស្របទៅនឹងផលប្រយោជន៍ជាសារវន្តរបស់ប្រជាជននៃប្រទេសទាំង២ ទោះកម្លាំងណាមួយក៏មិនអាចបំផ្លាញបានដែរ៕