តាមដំណឹងនៃទីភ្នាក់ងារសារព័ត៌មានអាប៉េអាមេរិកឲ្យដឹងថា លោកឌូតឺទេប្រធានាធិបតីហ្វីលីពីនបានថ្លែងកាលពីថ្ងៃទី១៩ខែមីនាថា លោកមិនភ័យខ្លាចនឹងការចោទប្រកាន់ទម្លាក់លោកចេញពីតំណែងនិងការបណ្តឹងអន្តរជាតិដែលសំដៅមុខព្រួញទៅរកប្រតិបត្តិការបង្រ្កាបគ្រឿនញៀនរបស់លោកនោះទេ លោកគូសបញ្ជាក់ថាទាល់តែឧក្រិដ្ឋជនជួញដូរគ្រឿងញៀនបញ្ឈប់ការជួញដូរទើបលោកបញ្ឈប់ការបង្រ្កាបគ្រឿងញៀន។
គួររំលឹកថា កាលពីថ្ងៃទី១៦ខែមីនា លោកGary Alejanoសមាជិករដ្ឋសភាហ្វីលីពីនបានដាក់លិខិតចោទប្រកាន់ស្តីពីការស្នើសុំទម្លាក់លោកឌូតឺទេចេញពីតំណែងជូនរដ្ឋសភា។ ប្រព័ន្ធសារព័ត៌មានហ្វីលីពីនបានអះអាងថា តាមការប៉ាន់ប្រមាណរដ្ឋសភានឹងបដិសេធការចោទប្រកាន់នេះ។ ក្រៅពីនេះមានមេធាវីបានគំរាមកំហែងថានឹងប្តឹងលោកឌូតឺទេទៅកាន់តុលាការព្រហ្មទណ្ឌអន្តរជាតិពីបទប្រហារជីវិតមនុស្សនៅក្រៅច្បាប់៕