ថ្ងៃទី១៨ខែមីនា លោក WangYiMingអនុប្រធាននៃមជ្ឈមណ្ឌលស្រាវជ្រាវការអភិវឌ្ឍន៍នៃក្រុមប្រឹក្សាកិច្ចការរដ្ឋចិនបានថ្លែងថា បច្ចុប្បន្ននេះ ពិភពលោកទាំងមូលកំពុងឋិតក្នុងសភាពការណ៍ប្រែប្រួលដ៏ធំ សេដ្ឋកិច្ចប្រទេសចិនប្តូររូបមន្តនឹងអំណោយផលដល់ការកាត់បន្ថយលក្ខណៈមិននឹងនរនៃសេដ្ឋកិច្ចពិភពលោក ហើយបានបញ្ចូលកម្លាំងចលករថ្មីដល់សេដ្ឋកិច្ចពិភពលោក។
ក្នុងសន្និសីទកំពូលផ្នែកសេដ្ឋកិច្ចឆ្នាំ២០១៧នៃវេទិកាជាន់ខ្ពស់ផ្នែកអភិវឌ្ឍន៍ចិនដែលធ្វើនាថ្ងៃដដែល លោក WangYiMingថ្លែងថា ការអភិវឌ្ឍន៍នៃសេដ្ឋកិច្ចប្រទេសចិនបានរួមបញ្ចូលទៅក្នុងដំណើរសកលភាវូបនីយកម្មយ៉ាងជ្រាលជ្រៅហើយ។ប្រទេសចិនជាអ្នកចូលរួមនិងអ្នកជំរុញយ៉ាងសកម្មនៃសកលភាវូបនីយកម្មជាប់រហូតមក។តាមការប៉ាន់ប្រមាណ ទ្រង់ទ្រាយនៃការនាំចូលពាណិជ្ជកម្មទំនិញនៃប្រទេសចិនក្នុងអំឡុងពេល៥ឆ្នាំខាងមុខនេះគឺមានសង្ឃឹមកើនឡើងដល់៨លានលានដុល្លាអាមេរិក។ចំណែកទេសចរណ៍ចេញទៅបរទេសនឹងកើនឡើងដល់៧រយលាននាក់។
