ថ្ងៃទី១៨ខែមីនា វេទិកាសហការសេដ្ឋកិច្ចនិងពាណិជ្ជកម្មនិងជាសន្និសីទពិភាក្សាពាណិជ្ជកម្មនិងវិនិយោគទុននៃសហគ្រាសមធ្យមនិងតូចរវាងចិននិងហ្វីលីពីនបានរៀបចំធ្វើនៅទីក្រុងមានីល លោក WangYangឧបនាយករដ្ឋមន្រ្តីចិនបានអញ្ជើញចូលរួម ព្រមនិងថ្លែងសុន្ទរកថាក្រោមចំណងជើងថា អបអរទទួលរដូវផ្ការីកនៃកិច្ចសហការដ៏មេត្រីភាពរវាងចិននិងហ្វីលីពីន។
លោក WangYangថ្លែងថា ប្រទេសចិននិងហ្វីលីពីនជាប្រទេសជាប់ជិតខាងដែលមិនអាចរើចេញបាន ពិតមែនតែទំនាក់ទំនងនៃប្រទេសទាំងពីរបានជួបប្រទះនឹងឧបសគ្គព្យុះភ្លៀង តែការរាប់អានគ្នាដោយសុខដុមរមនានិងសហការគ្នាដោយផ្តល់ផលប្រយោជន៍ដល់គ្នាគឺជាចរន្តសំខាន់ជាប់រហូតមក។ប្រវត្តិសាស្រ្តនៃការបង្កើតទំនាក់ទំនងទូតចំនួន៤២ឆ្នាំបានបង្ហាញថា ធ្វើជាប្រទេសជិតខាងល្អ មិត្តភ័ក្តល្អនិងដៃគូល្អជាជម្រើសដ៏ត្រឹមត្រូវតែមួយគត់។មានតែក្តាប់ជាប់ទិសដៅធំៗដែលរាប់អានគ្នាដោយសុខដុមរមនា និងឆ្លងតាមកិច្ចសហប្រតិបត្តិការជាក់ស្តែងដើម្បីពង្រីកផលប្រយោជន៍រួមគ្នា ព្រមទាំងឆ្លងតាមការសន្ទនាគ្នានិងពិគ្រោះពិភាក្សាគ្នា ហើយគ្រប់គ្រងការខ្វែងមតិ នោះ ទើបអាចធ្វើឲ្យទំនាក់ទំនងចិននិងហ្វីលីពីនបោះជំហានធំទៅមុខតាមផ្លូវដ៏ត្រឹមត្រូវបាន។