ថ្ងៃទី ២២ ខែកុម្ភៈ រដ្ឋាភិបាលកូរ៉េខាងត្បូងបានចេញសេចកី្តថ្លែងការណ៍ ដើម្បីធ្វើការប្រឆាំងតវ៉ាចំពោះរដ្ឋាភិបាលជប៉ុនដែលបានចាត់បញ្ជូនឧត្តមមន្ត្រីទៅចូលរួមសកម្មភាពរំលឹកខួបអនុស្សាវរីយ៍នៃទិវាកោះ Takeshima (កូរ៉េខាងត្បូងហៅកោះ Dokdo ) នៅខេត្ត shimameken ប្រទេសជប៉ុននាថ្ងៃដដែលនោះ ។
សេចកី្តថ្លែងការណ៍ចែងថា មិនថានិយាយពីជ្រុងនៃប្រវតិ្តសាស្ត្រ ភូមិសាស្ត្រ ឬក៏និយាយពីច្បាប់អន្តរជាតិក៏ដោយ កោះ Dokdo សុទ្ធតែជាទឹកដីមានស្រាប់របស់កូរ៉េខាងត្បូង ។ សេចកី្តថ្លែងការណ៍បានដាស់តឿនយ៉ាងម៉ឺងម៉ាត់ឲ្យរដ្ឋាភិបាលជប៉ុនប្រឈមមុខដោយត្រឹមត្រូវចំពោះប្រវតិ្តសាស្ត្រឈ្លានពានរបស់ចក្រពត្តិនិយមនៃប្រទេសជប៉ុន និងបញ្ឈប់ភ្លាមនូវទង្វើបង្ករឿងទាំងអស់ដែលពាក់ព័ន្ធនឹងកោះ Dokdo ផងដែរ ។
តាមដំណឹងរបស់ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងឲ្យដឹងថា នៅរសៀលថ្ងៃទី ២២ ខែកុម្ភៈ លោក Jeong Byeong-won ប្រធាននាយកដ្ឋានអាស៊ីឦសានរបស់ក្រសួងការបរទេសកូរ៉េខាងត្បូងបានកោះហៅកុងស៊ុលនៃស្ថានទូតជប៉ុនប្រចាំនៅកូរ៉េខាងត្បូង ដើម្បីធ្វើការប្រឆាំងតវ៉ាចំពោះរឿងដែលមន្ត្រីថ្នាក់អនុរដ្ឋមន្ត្រីនៃប្រទេសជប៉ុនបានចូលរួមសកម្មភាពដូចខាងលើនេះ ៕
