ថ្ងៃទី២២ខែកុម្ភៈ ផ្នែកប៉ូលិសម៉ាឡេស៊ីបានបើកធ្វើសន្និសីទសារព័ត៌មានអំពីរឿងដែលបុរសសញ្ជាតិកូរ៉េខាងជើងម្នាក់ត្រូវសម្លាប់ ដោយបានប្រកាសព័ត៌មានអំពីអត្តសញ្ញាណរបស់មនុស្ស២នាក់ដែលជាប់សង្ស័យថាមានពាក់ព័ន្ធនឹងរឿងនេះហើយដែលទើបបានកំណត់បញ្ជាក់នាពេលថ្មីៗនេះ។ ស្ថានទូតកូរ៉េខាងជើងប្រចាំនៅម៉ាឡេស៊ីបានចេញសេចក្តីថ្លែងការណ៍បន្ទាប់ពីសន្និសីទសារព័ត៌មានរបស់អាជ្ញាធរម៉ាឡេស៊ី ហើយធ្វើការចោទប្រកាន់ជាថ្មីម្តងទៀតថាភាគីម៉ាឡេស៊ីបានសមគំនិតគ្នាជាមួយកូរ៉េខាងត្បូងដើម្បីចោទថាកូរ៉េខាងជើងជាអ្នកចូលដៃក្នុងរឿងមនុស្សឃាំត ហើយអះអាងថាប្រការនេះគឺជាការធ្វើឲ្យ អធិបតេយ្យភាពរបស់កូរ៉េខាងជើងរងភាពអាម៉ាស់បំផុត។
សូមបញ្ជាក់ថា នៅក្នុងសន្និសីទសារព័ត៌មាននាថ្ងៃដដែល លោកខាលីតអគ្គស្នងការនគរបាលម៉ាឡេស៊ីបានថ្លែងថា ជនជាប់សង្ស័យទាំង២នាក់ពាក់ព័ន្ធនឹងរឿងមនុស្សឃាតដែលផ្នែកប៉ូលិសកំណត់បញ្ជាក់នៅពេលថ្មីៗនេះសុទ្ធតែជាពលរដ្ឋកូរ៉េខាងជើង ម្នាក់ជាលេខាធិការទី២នៃស្ថានទូតកូរ៉េខាងជើងប្រចាំនៅម៉ាឡេស៊ីនិងម្នាក់ទៀតជាបុគ្គលិកការងារនៃក្រុមហ៊ុនអាកាសចរណ៍កូរ៉េខាងជើង បច្ចុប្បន្នជនជាប់សង្ស័យទាំង២នាក់នេះសុទ្ធតែស្ថិតក្នុងប្រទេសម៉ាឡេស៊ី។ សមត្ថកិច្ចម៉ាឡេស៊ីបានលើកសំណូមពរទៅស្ថានទូតកូរ៉េខាងជើងឲ្យបុគ្គលទាំង២នាក់នេះជួយសហការក្នុងការស៊ើបអង្កេត ប្រសិនជាមិនសហការ នោះម៉ាឡេស៊ីប្រហែលនឹងចាត់វិធានការតាមច្បា់៕
