ថ្ងៃទី២២ ខែកុម្ភៈ លោកXieXiaoyanបេសកជនពិសេសរបស់រដ្ឋាភិបាលប្រទេសចិនទទួលបន្ទុកបញ្ហាស៊ីរីបានជួបពិភាក្សាការងារជាមួយលោកMisturaបេសកជនពិសេសរបស់អគ្គលេខាធិការអង្គការសហប្រជាជាតិទទួលបន្ទុកបញ្ហាស៊ីរីនៅទីក្រុងហ្សឺណែវ ដើម្បីធ្វើការផ្លាស់ប្តូរយោបល់អំពីដំណើរវិវឌ្ឍន៍នៃនយោបាយបញ្ហាស៊ីរីព្រមទាំងការចរចាសន្តិភាពហ្សឺណែវដែលនឹងរៀបចំធ្វើនៅក្នុងពេលដ៏ខ្លីខាងមុខនេះ។
លោកXieXiaoyanបានអធិប្បាយគោលការណ៍ពីនិងគោលជំហររបស់ប្រទេសចិនលើបញ្ហាស៊ីរី ស្វាគមន៍អង្គការសហប្រជាជាតិចាប់ដំណើរការការចរចាសន្តិភាពក្រុងហ្សឺណែវរបស់បណ្តាភាគីនៅស៊ីរីតាមពេលកំណត់។លោកបានបញ្ជាក់ថា សហគមន៍អន្តរជាតិត្រូវបន្តផ្តល់ការគាំទ្រនិងជំនួយដល់ការចរចាសន្តិភាព។ភាគីចិនរីករាយសហការរួមជាមួយភាគីពាក់ព័ន្ធនានានៃសហគមន៍អន្តរជាតិរួមទាំងអង្គការសហប្រជាជាតិផង ដើម្បធ្វើកិច្ចសម្របសម្រួលគ្នាយ៉ាងជិសដិតនិងដើម្បីជំរុញបញ្ហាស៊ីរីឲ្យទតួលបានដំណោះស្រាយតាមវិធីនយោបាយក្នុងពេលឆាប់ៗ។
ជាការឆ្លើយតប លោកMisturaបានថ្លែងថា ដើម្បីជំរុញឲ្យមានដំណោះស្រាយលើបញ្ហាស៊ីរីតាមវិធីនយោបាយ ប្រទេសចិនបានដើរតួនាទីវិជ្ជមាននិងមានលក្ខណៈស្ថាបនា។អង្គការសហប្រជាជាតិសូមកោតសរសើរខ្ពស់ចំណេះកិច្ចខិតខំប្រឹងប្រែងរបស់ភាគីចិនលើបញ្ហាស៊ីរី ហើយរីករាយបន្តរក្សាការប្រាស្រ័យទាក់ទងនិងកិច្ចសម្របសម្រួលយ៉ាងជិតដិតជាមួយភាគីចិន៕
