ថ្ងៃទី ២១ ខែកុម្ភៈ ស្ថាប័ននីតិប្រតិបតិ្តច្បាប់របស់ប្រទេសទាំងបួន គឺប្រទេសចិន ឡាវ មីយ៉ាន់ម៉ានិងថៃបានចាប់ផ្តើមការរួមគ្នាអនុវត្តច្បាប់និងយាមល្បាតតាមបណ្តោយទន្លេមេគង្គជាលើកទី ៥៥ នៅកំពង់ផែ Guan Lei នៃតំបន់ Xi Shuang Ban Na ខេត្តយូណាន ប្រទេសចិន ដើម្បីបង្កើនកម្លាំងវាយបង្រ្កាបនិងគ្រប់គ្រងចំពោះបញ្ហាសនិ្តសុខដែលជាបញ្ហាលេចធ្លោតាមបណ្តោយទន្លេមេគង្គ ។
ដំណើរយាមល្បតរបស់ក្រុមកប៉ាល់រួមគ្នាយាមល្បាតនិងអនុវត្តច្បាប់លើកនេះ មានចម្ងាយជាង ៥ រយគីឡូម៉ែត្រ និងឆ្លងកាត់លំហទន្លេតាមព្រំដែនរវាងចិននិងមីយ៉ាន់ម៉ា និងព្រំដែនរវាងឡាវនិងមីយ៉ាន់ម៉ា ។
ក្នុងអំឡុងពេលធ្វើការយាមល្បាត ប្រទេសទាំងបួន ចិន ឡាវ មីយ៉ាន់ម៉ានិងថៃនឹងចាត់បញ្ជូនមេបញ្ជាការនិងមន្ត្រីទំនាក់ទំនងទៅកាន់កប៉ាល់បញ្ជាការរបស់ប្រទេសចិន ដើម្បី រួមគ្នាបញ្ជាការនិងធ្វើការសម្របសម្រួល ។ ប្រទេសទាំងបួននឹងបង្រ្កាបយ៉ាងម៉ឺងម៉ាត់ចំពោះបទឧក្រិដ្ឋខុសច្បាប់និងឆ្លងដែនដែលកើតឡើងនៅតាមបណ្តោយទន្លេមេគង្គ ដូចជាសកម្មភាពភេរវកម្ម ការជួញដូរគ្រឿងញៀន និងការជួញដូរមនុស្សជាដើម តាមរយៈការរួមគ្នាយាមល្បាតនិងរួមគ្នាស៊ើបអង្កេត ៕
