ថ្ងៃទី១៧ខែមករា នៅទីក្រុងដាវ៉ូស លោក Xi JinPingប្រធានរដ្ឋចិនបានជួបពិភាក្សាការងារជាមួយលោកPetro Poroszenko ប្រធានាធិបតីអ៊ុយក្រែន។
លោកXi JinPingបានថ្លែងថា ភាគីចិនយកចិត្តទុកដាក់កម្រិតខ្ពស់ដល់ទំនាក់ទំនងរវាងចិននិងអ៊ុយក្រែន រីករាយរួមជាមួយភាគីអ៊ុយក្រែនពង្រឹងការជឿទុកចិត្តលើគ្នាក្នុងផ្នែកនយោបាយ ធ្វើឲ្យកិច្ចសហប្រតិបត្តិការដែលផ្តល់ផលប្រយោជន៍ដល់គ្នាទៅវិញទៅមកកាន់តែស៊ីជម្រៅ បង្កើនការនិយាយឆ្លើយឆ្លងនិងសហការក្នុងកិច្ចការអន្តរជាតិនិងតំបន់និងក្នុងអង្គការពហុភាគីដូចជាអង្គការសហប្រជាជាតិជាដើម ជំរុញទំនាក់ទំនងប្រទេសទាំងពីរទទួលការវិវឌ្ឍន៍ថ្មីដោយឥតឈប់ឈរ។
លោកXi JinPingបន្តថា យើងសង្ឃឹមដោយស្មោះថា ប្រទេសអ៊ុយក្រែនអាចរក្សាភាពនឹងនរនៃសង្គមនិងការអភិវឌ្ឍន៍នៃសេដ្ឋកិច្ច។
