ថ្ងៃទី ១៧ ខែមករា លោកស៊ីជីនភីង ប្រធានរដ្ឋចិនបានជួបសន្ទនាជាមួយលោកJoseph Biden អនុប្រធានាធីបតីអាមេរិកនៅក្រុងដាវ៉ូស ។
លោកស៊ីជីនភីងបានវែកញែកថា ចាប់តាំងពី ៣ ឆ្នាំមុន ខ្ញុំនិងលោកប្រធានាធិបតីអូបាម៉ាបានឈានដល់មតិឯកភាពគ្នាអំពីការបង្កើតទំនាក់ទំនងរវាងមហាប្រទេសធុនថ្មីចិននិងអាមេរិករៀងមក នៅក្រោមការខិតខំប្រឹងប្រែងរួមគ្នារវាងភាគីទាំងពីរ ទំនាក់ទំនងរវាងចិននិងអាមេរិកបានរីកចម្រើនទៅមុខតាមទិសដៅត្រឹមត្រូវ ហើយទទួលបានសមិទ្ធផលវិជ្ជមានដ៏សំខាន់ ។ ផលប្រយោជន៍ឫសគល់របស់ប្រជាជនប្រទេសយើងទាំងពីរនិងពិភពលោកទាំងមូលគឺត្រូវការការខិតខំរួមគ្នានៃប្រទេសចិននិងអាមេរិក ដោយបង្កើតទំនាក់ទំនងសហប្រតិបត្តិការដ៏យូរអង្វែងនិងនឹងនរ ។