ថ្ងៃទី១៥ខែមករា លោកប្រធានរដ្ឋចិន Xi Jinping បានអញ្ជើញចូលរួមពិធីបដិសណ្ឋារកិច្ចដែលរៀបចំឡើងដោយសមាជិកទាំងអស់នៃគណៈកម្មាធិការសហព័ន្ធស្វីសនៅក្រុងប៊ែន ។
លោក Xi Jinping បានថ្លែងសុន្ទរកថាក្នុងពិធីបដិសណ្ឋារកិច្ចថា ក្នុងទស្សនកិច្ចលើកនេះ លោកសង្ឃឹមរួមជាមួយភាគីស្វីស ស្វែងរកនិងពិភាក្សាអំពីវិធីធ្វើឲ្យកិច្ចសហប្រតិបត្តិការជាក់ស្តែងក្នុងគ្រប់វិស័យមានភាពកាន់តែស៊ីជម្រៅ ឆ្លងតាមការចូលរួមសន្និសីទប្រចាំឆ្នាំនៃវេទិកាសេដ្ឋកិច្ចពិភពលោកនិងទៅបំពេញទស្សនកិច្ចនៅអង្គការអន្តរជាតិដែលស្ថិតនៅប្រទេសស្វីស ដើម្បីឈានដល់មតិឯកភាពគ្នាជាមួយភាគីនានាអំពីការគាំពារសន្តិភាពពិភពលោក ជំរុញការអភិវឌ្ឍន៍រួមនិងដោះស្រាយបញ្ហាសំខាន់ៗលើទូទាំងពិភពលោក ព្រមទាំងបញ្ជូនកម្លាំងវិជ្ជមានដល់សហគមន៍អន្តរជាតិ ។