ថ្ងៃទី១៥ខែមករា លោកប្រធានរដ្ឋចិន Xi Jinping បានធ្វើដំណើរតាមរទេះភ្លើងពិសេសរបស់រដ្ឋាភិបាលស្វីសពីក្រុង Zurich ទៅកាន់ក្រុងប៊ែន រដ្ឋធានីប្រទេសស្វីសក្រោមការអមដំណើររបស់លោកស្រី Doris Leuthard ប្រធានាធិបតីរបស់សហព័ន្ធស្វីស ។
លោក Xi Jinping បានវែកញែកថា លោករីករាយណាស់ដែលបានជ្រើសរើសប្រទេសស្វីសជាកន្លែងទស្សនកិច្ចលើកដំបូងក្នុងដើមឆ្នាំថ្មីឆ្នាំ២០១៧នេះ ហើយអញ្ជើញចូលរួមសន្និសីទប្រចាំឆ្នាំ២០១៧នៃវេទិកាសេដ្ឋកិច្ចពិភពលោកផងដែរ ។ ក្នុងអំឡុងពេលបំពេញទស្សនកិច្ចលើកនេះ លោករីករាយផ្លាស់ប្តូរយ៉ាងជ្រាលជ្រៅជាមួយលោកស្រី Doris Leuthard ប្រធានាធិបតីរបស់សហព័ន្ធស្វីសនិងសមាជិកសហព័ន្ធផ្សេងទៀត បំពេញបន្ថែមនូវខ្លឹមសារនៃទំនាក់ទំនងដៃគូយុទ្ធសាស្ត្រច្នៃប្រឌិតថ្មីរវាងប្រទេសចិននិងស្វីស ព្រមទាំងជំរុញឲ្យកិច្ចសហប្រតិបត្តិការរវាងប្រទេសទាំងពីរក្នុងគ្រប់វិស័យកាន់តែស៊ីជម្រៅផងដែរ ។