លោកWang Gengnianអគ្គនាយកវិទ្យុអន្តរជាតិចិនថ្លែងសុន្ទរកថាជូនពរឆ្នាំថ្មីឆ្នាំសកល២០១៧ចំពោះអ្នកស្តាប់បរទេស

ក្នុងឱកាសឆ្នាំ២០១៧បានឈានចូលមកដល់ លោកWang Gengnianអគ្គនាយកវិទ្យុអន្តរជាតិចិនបានតាងនាមឲ្យសហការីទាំងអស់ ឆ្លងតាមរលកវិទ្យុនិងបណ្តាញអ៊ីនធើណែត សម្តែងការសួរសុខទុក្ខនិងការជូនពរយ៉ាងស្មោះអស់ពីដួងចិត្តចំពោះប្រិយមិត្តនៅបរទេស។ តទៅនេះសូមអញ្ជើញស្តាប់សុន្ទរកថាជូនពរឆ្នាំថ្មីឆ្នាំសកល២០១៧របស់លោកWang Gengnianដូចតទៅ៖

ប្រិយមិត្តជាទីមេត្រី៖
ក្នុងឱកាសដ៏នក្ខត្តឫក្សនៃការលាឆ្នាំចាស់ផ្លាស់ឆ្នាំថ្មី ខ្ញុំសូមតាងនាមវិទ្យុអន្តរជាតិចិននិងប៉ុស្តិ៍វិទ្យុនិងទូរទស្សន៍អន្តរជាតិចិនតាមបណ្តាញអ៊ីធើណែត ក៏ដូចជាក្នុងនាមខ្លួនខ្ញុំផ្ទាល់ សូមសម្តែងការសួរសុខទុក្ខនិងការជូនពរឆ្នាំថ្មីឆ្នាំសកលយ៉ាងស្និទ្ធស្នាលចំពោះប្រិយមិត្តគ្រប់រូប សូមជូនពរប្រិយមិត្តមានសិរីជ័យមង្គល សុភមង្គលនិងមានសុខភាពល្អបរិបូរ!

ក្នុងឆ្នាំ២០១៦ ពិភពលោកបានដើរទៅដល់ខណៈពេលគន្លឹះមួយទៀត ហើយប្រទេសចិនបានពង្រីកតួនាទីរបស់ខ្លួនថែមទៀត។ សន្និសីទកំពូលនៃប្រទេសG២០ ក្រុងហាងចូវបានរួមវិភាគទានជាតម្រិះប្រាជ្ញារបស់ប្រទេសចិនសម្រាប់អភិបាលកិច្ចនៅទូទាំងពិភពលោក មិត្តភ័ក្តិផ្នែកយុទ្ធសាស្រ្តខ្សែក្រវាត់មួយនិងផ្លូវមួយមានចំនួនកាន់តែច្រើន ប្រទេសចិនបានបង្ហាញរូបភាពជាមហាប្រទេសដែលទទួលខុសត្រូវមួយលើឆាកអន្តរជាតិ។

ក្នុងមួយឆ្នាំកន្លងទៅនេះ វិទ្យុអន្តរជាតិចិនបានធ្វើឲ្យស៊ីជម្រៅនូវការរួមបញ្ចូលនិងកែប្រែបែបបទផ្នែកប្រព័ន្ធសារព័ត៌មាន ពន្លឿនការជំរុញកិច្ចសហប្រតិបត្តិការជាមួយប្រព័ន្ធសារព័ត៌មានបរទេស ដែលបានពិពណ៌នាអំពីរឿងរ៉ាវល្អៗរបស់ប្រទេសចិនមួយហើយមួយទៀត។ ទាំងមុនទាំងក្រោយលោកXi Jinpingប្រធានរដ្ឋចិនបានរួមជាថ្នាក់ដឹកនាំនៃប្រទេសចំនួន៣ធ្វើជាសហអធិបតីក្នុងពិធីចុះហត្ថលេខាលើកិច្ចសហប្រតិបត្តិការរវាងវិទ្យុអន្តរជាតិចិននិងប្រព័ន្ធសារព័ត៌មានរុស្ស៊ី សែលប៊ីនិងបង់ក្លាដែស។ យើងខ្ញុំមិនបំភ្លេចនូវការបកស្រាយពីសុបិនឡើយ ដូចជាការផ្សាយដំណឹងអំពីសន្និសីទកំពូលនៃប្រទេសG២០ក្រុងហាងចូវ ការបាញ់បង្ហោះអវកាសយានTiangongលេខ២និងការបាញ់បង្ហោះយានអវកាសផ្ទុកមនុស្សShenzhouលេខ១១ត្រូវបានប្រីយមិត្តយកចិត្តទុកដាក់ជាទូទៅនិងទទួលស្គាល់ដោយពេញលេញ។ យើងខ្ញុំបានធ្វើកិច្ចខិតខំប្រឹងប្រែងក្នុងការតភ្ជាប់ប្រទេសចិនជាមួយនិងបរទេសដូជាសកម្មបង្កើតជាម៉ាកនៃប្រព័ន្ធសារព័ត៌មានចល័តបែបថ្មីដែលមានច្រើនភាសា គឺChina News China Radio China TVដែលផ្សាយទៅកាន់ពិភពលោកទាំងមូល។ យើងខ្ញុំបានដាក់ចេញកម្មវិធីAPPលើទូរស័ព្ទដៃដែលមានច្រើនភាសាដូចជាចិន-អង់គ្លេស ចិន-រុស្ស៊ី ចិន-អ៊ីតាលី ចិន-ជប៉ុន ចិន-អេស្ប៉ាញនិងចិន-ឥណ្ឌាជាដើម។ គម្រោងប្រព័ន្ធសារព័ត៌មានថ្មីដូចជាកម្មវិធីប្រតិបត្តិការជាថ្មីរបស់អ្នកមានគំនិតច្នៃប្រឌិត និងកម្មវិធីDanubeជាដើមបានទាក់ទាញអ្នកគាំទ្រជាច្រើនប្រទេសឲ្យចូលរួម។ យើងខ្ញុំបានសកម្មធ្វើការផ្លាស់ប្តូរជាមួយពិភពលោកដូចជាសកម្មភាពប្រព័ន្ធសារព័ត៌មានចិននិងរុស្ស៊ីទៅយកបទសម្ភាសន៍នៅតាមផ្លូវសូត្រប្រទេសចិន កិច្ចប្រជុំតុមូលនៃមគ្គុទ្ទេសក៍ប្រព័ន្ធសារព័ត៌មាននៃវេទិកាអាស៊ីBoao មហោស្រពតម្រីមិត្តភាពចិន-អាស៊ានឆ្នាំ២០១៦ កិច្ចសន្ទនារវាងនិស្សិតចិននិងអាមេរិកនិងសកម្មភាពប្រព័ន្ធសារព័ត៌មានមានលក្ខណៈពិសេសផ្សេងផៀតទទួលបានការចាប់អារម្មណ៍យ៉ាងទូលំទូលាយ។

ក្នុងឆ្នាំ២០១៦ យើងខ្ញុំទទួលបានសមិទ្ធផលជាផ្លែផ្កាយ៉ាងច្រើន ការធ្វើអន្តរកម្មជាមួយប្រិមិត្តមានចំនួនលើសពី៥៥លាន៣សែនដង ក្លិបអ្នកស្តាប់មានដល់ទៅ៤១១៥ក្លិប អ្នកប្រើប្រាស់សេវាគ្រប់ប្រភេទសរុប២៦០លាននាក់ ចំនួនអ្នកគាំទ្រលើFacebookលើសពី៨០លាននាក់។ តាមពិត ប្រិយមិត្តមិនត្រឹមតែជាសមាជិកមួយក្នុងចំណោមតួលេខដ៏ធំធេងនេះប៉ុណ្ណោះទេ អ្នកទាំងអស់គ្នាគឺជាមិត្តភ័ក្តិរបស់វិទ្យុអន្តរជាតិចិនផងដែរ។

ឆ្នាំ២០១៧ជាឆ្នាំរកាតាមចន្ទគតិចិន។ បើនិយាយចំពោះវិទ្យុអន្តរជាតិដែលមានប្រវត្តិសាស្រ្ត៧៥ឆ្នាំហើយនោះ ឆ្នាំថ្មីគឺបានសេចក្តីថាជាទីចាប់ផ្តើមថ្មី។ យើងខ្ញុំនឹងធ្វើកិច្ចខិតខំប្រឹងប្រែងដូចពេលមុនៗដើម្បីលើកកម្ពស់សមត្ថភាពផ្សាព្វផ្សាយព័ត៌មាននិងកម្រិតសេវាកម្មរបស់ខ្លួនក្នុងប្រយោជន៍ធ្វើឲ្យប្រិយមិត្តគ្រប់រូបកាន់តែយល់ដឹង យោគយល់និងចូលចិត្តប្រទេសចិន។

សូមលោកអ្នកទទួលការជូនពរឆ្នាំថ្មីឆ្នាំសកលដ៏ស្មោះត្រង់អំពីរូបខ្ញុំម្តងទៀត សូមអរគុណ!