កាលពីថ្ងៃទី៩ខែធ្នូ លោក Liu Jieyi តំណាងប្រទេសចិនប្រចាំជាអចិន្ត្រៃយ៍នៅអង្គការសហប្រជាជាតិបានអធិប្បាយយ៉ាងច្បាស់លាស់អំពីគោលជំហរដែលភាគីចិនប្រឆាំងទៅនិងក្រុមប្រឹក្សាសន្តិសុខពិនិត្យពិភាក្សាស្ថានការណ៍សិទ្ធិមនុស្សរបស់ប្រទេសកូរ៉េខាងជើង ។
ថ្ងៃដដែល លោក Liu Jieyi បានថ្លែងកថានៅមុនពេលដែលក្រុមប្រឹក្សាសន្តិសុខធ្វើការបោះឆ្នោតអំពីរបៀបវារៈសន្និសីទមានពាក់ព័ន្ធថា ភាគីចិនប្រឆាំងទៅនិងក្រុមប្រឹក្សាសន្តិសុខពិនិត្យពិភាក្សាស្ថានការណ៍សិទ្ធិមនុស្សរបស់ប្រទេសកូរ៉េខាងជើង ។ ប្រទេសចិនប្រកាន់ខ្ជាប់ការសម្រេចគ្មាននុយគ្លេអ៊ែរនៅឧបទ្វីបកូរ៉េជាប់រហូតមក ប្រកាន់ខ្ជាប់គាំពារសន្តិភាពនិងស្ថិរភាពនៅឧបទ្វីបកូរ៉េ ប្រកាន់ខ្ជាប់ដោះស្រាយបញ្ហាតាមការចរចានិងពិគ្រោះពិភាក្សា ជាដាច់ខាតមិនអនុញ្ញាតឲ្យមានសង្គ្រាមឬភាពវឹកវរឡើយ ដែលនេះសមស្របទៅនិងផលប្រយោជន៍រួមរបស់សហគមន៍អន្តរជាតិនិងភាគីមានពាក់ព័ន្ធ ត្រូវតែក្លាយទៅជាទិសដៅសម្រាប់ភាគីមានពាក់ព័ន្ធនានាខិតខំប្រឹងប្រែងជាមួយគ្នា ។ ដោយឡែក ក្រុមប្រឹក្សាសន្តិសុខពិនិត្យពិភាក្សាបញ្ហាសិទ្ធិមនុស្សរបស់ប្រទេសកូរ៉េខាងជើងគឺផ្ទុយនឹងគោលដៅនេះ ដែលនេះគឺមានតែធ្វើឲ្យខូចខាតនិងគ្មានផលប្រយោជន៍អ្វីទាំងអស់ ។
