ថ្ងៃទី៩ខែធ្នូ លោកលូខាំងអ្នកនាំពាក្យនៃក្រសួងការបរទេសចិនថ្លែងថា៖ ភាគីចិនប្រឆាំងយ៉ាងម៉ឺងម៉ាត់ចំពោះអាមេរិកនិងតៃវ៉ាន់ ដែលបានទំនាក់ទំនងគ្នាតាមផ្លូវរដ្ឋាភិបាលនិងយោធាតាមគ្រប់រូបភាព ប្រឆាំងអាមេរិកលក់គ្រឿងអាវុធទៅឲ្យតៃវ៉ាន់ គោលជំហរនេះរបស់ប្រទេសចិនគឺជាប់ជានិច្ចនិងច្បាស់លាស់ ហើយក៏ជារឿងច្បាស់លាស់ណាស់នៅក្នុងសហគមន៍អន្តរជាតិ។
មានអ្នកសារព័ត៌មានសួរថា មានដំណឹងផ្សាយថា ច្បាប់ផ្តល់សិទ្ធិខាងកិច្ចការពារជាតិប្រចាំឆ្នាំហិរញ្ញវត្ថុឆ្នាំ២០១៧ដែលរដ្ឋសភាអាមេរិកបានអនុម័តនាថ្ងៃទី៨ខែធ្នូ បានបញ្ចូលទៅក្នុងខ្លឹមសារជំរុញការផ្លាស់ប្តូរផ្នែកយោធាកំពូលរវាងអាមេរិកនិងតៃវ៉ាន់។ តើភាគីចិនមានការឆ្លើយតបយ៉ាងណាចំពោះការនេះ?
លោកលូខាំងថ្លែងថា៖ បញ្ហាតៃវ៉ាន់គឺពាក់ព័ន្ធនឹងអធិបតេយ្យភាពនិងបូរណភាពដែនដីជាតិរបស់ប្រទេសចិន ជាបញ្ហាគោលការណ៍១ ហើយក៏ជាបញ្ហាសំខាន់បំផុតនិងរសើបបំផុតក្នុងទំនាក់ទំនងរវាងប្រទេសចិននិងអាមេរិកផងដែរ។ តាំងពីព្រឹទ្ធសភានិងសភារាស្ត្រនៃរដ្ឋសភាអាមេរិកលើកឡើងដោយឡែកនូវគម្រោងពិភាក្សាដូចពោលខាងលើកាលពីឆមាសទី១ឆ្នាំនេះរៀងមក យើងខ្ញុំបានលើកសេចក្តីតវ៉ាយ៉ាងម៉ឺងម៉ាត់ជាច្រើនលើកចំពោះភាគីអាមេរិកអំពីអត្ថរសអវិជ្ជមានពាក់ព័ន្ធនឹងប្រទេសចិននៃគម្រោងនេះ។ លោកថ្លែងថា៖ ខ្ញុំគិតរំលឹកឡើងវិញថា ភាគីចិនដាស់តឿនឲ្យភាគីអាមរិកគោរពគោលនយោបាយមានប្រទេសចិនតែ១ និងពាក្យសន្យាមានពាក់ព័ន្ធនឹងគោលការណ៍នៃសេចក្តីប្រកាសរួម៣ចិននិងអាមេរិក ដោះស្រាយបញ្ហាតៃវ៉ាន់យ៉ាងមធ្យ័តកុំបើករថយន្តដោយបញ្ច្រាស់ប្រវត្តិសាស្ត្រ ចៀសវែងភាពរំខានដល់ស្ថានការណ៍ទូទៅនៃទំនាក់ទំនងរវាងចិននិងអាមេរិក៕