ថ្ងៃទី ៨ ខែធ្នូ លោកGuo Shengkun សមាជិកទីប្រឹក្សាកិច្ចការរដ្ឋចិនបានជួបពិភាក្សាការងារជាមួយលោកស្រីRice ជំនួយការកិច្ចការសន្តិសុខជាតិនៃប្រធានាធិបតីអាមេរិកនៅក្រុងវ៉ាស៊ីនតោន ។
លោកGuo Shengkun បានសកម្មវាយតម្លៃចំពោះលោកស្រីRice ដែលបានធ្វើការខិតខំប្រឹងប្រែងក្នុងការអភិវឌ្ឍទំនាក់ទំនងរវាងប្រទេសចិននិងអាមេរិក ព្រមទាំងការជំរុញសន្តិសុខផ្នែកបណ្តាញអ៊ីនធើណេតនិងកិច្ចសហប្រតិបត្តិការក្នុងការអនុវត្តច្បាប់រវាងប្រទេសចិននិងអាមេរិក ។
ជាការឆ្លើយតប លោកស្រីRice បានថ្លែងថា ក្នុងអំឡុងពេលប៉ុន្មានឆ្នាំកន្លងមកនេះ សហរដ្ឋអាមេរិកនិងប្រទេសចិនបានជំរុញឥតឈប់ឈរនូវសន្តិសុខផ្នែកបណ្តាញអ៊ីនធើណេតនិងកិច្ចសហប្រតិបត្តិការក្នុងការអនុវត្តច្បាប់ ដោយទទួលបាននូវប្រសិទ្ធផលយ៉ាងលេចធ្លោ សង្ឃឹមថា ភាគីទាំងពីរអាចរួមគ្នាធ្វើការខិតខំប្រឹងប្រែង សំដៅធ្វើឲ្យកិច្ចសហប្រតិបត្តិការជាក់ស្តែងមានភាពកាន់តែស៊ីជម្រៅ និងជំរុញទំនាក់ទំនងរវាងប្រទេសទាំងពីររីកចម្រើនទៅមុខជានិរន្តរភាព ៕