ទាក់ទិននឹងអនាគតនៃកិច្ចព្រមព្រៀងទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ លោកShen Danyangអ្នកនាំពាក្យព័ត៌មានក្រសួងពាណិជ្ជកម្មចិនបានថ្លែងនៅក្រុងប៉េកាំងកាលពីថ្ងៃទី២៤ខែវិច្ឆិកាថា ភាគីចិននឹងឈរលើមូលដ្ឋានដែលគោរពឋានៈស្នូលរបស់អាស៊ានដោយធ្វើកិច្ចសហប្រតិបត្តិការជាមួយនិងបណ្តាភាគីនៃការចារចាយ៉ាងពេញទំហឹង ខិតខំប្រឹងប្រែងដើម្បីបញ្ចប់ការចរចាក្នុងពេលឆាប់ៗ។
ក្នុងសន្និសីទសារព័ត៌មានដែលបើកធ្វើនៅថ្ងៃដដែលលោកShen Danyangបានថ្លែងថា កិច្ចព្រមព្រៀងទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់គឺជាការចរចាដែលផ្តួចផ្តើមនិងដឹកនាំដោយអាស៊ាន ភាគីចិននឹងឈរលើមូលដ្ឋានដែលគោរពឋានៈស្នូលរបស់អាស៊ានដោយធ្វើកិច្ចសហប្រតិបត្តិការជាមួយនិងបណ្តាភាគីនៃការចរចាយ៉ាងពេញទំហឹង ខិតខំប្រឹងប្រែងដើម្បីបញ្ចប់ការចរចាក្នុងពេលឆាប់ៗ ដើម្បីរួមចំណែកជាកម្លាំងដល់ការអភិវឌ្ឍសមាហរណកម្មសេដ្ឋកិច្ចនៅតំបន់អាស៊ីប៉ាស៊ីហ្វិក។
លោកបានសង្កត់ធ្ងន់ថា មិនថាកិច្ចព្រមព្រៀងទំនាក់ទំនងភាពជាដៃគូឆ្លងមហាសមុទ្រប៉ាស៊ីហ្វិកនិងកិច្ចព្រមព្រៀងទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់មានវិវឌ្ឍន៍ទៅថ្ងៃអនាគតយ៉ាងដូចម្តេចក៏ដោយ ប្រទេសចិនបន្តផ្តោតសំខាន់ជុំវិញការធ្វើកំណែទម្រង់ដោយស៊ីជម្រៅនិងពង្រីកការបើកទូលាយ គិតពិចារណាយ៉ាងពេញលេញនូវស្ថានការណ៍រដ្ឋនិងស្ថានការណ៍អភិវឌ្ឍន៍ឧស្សាហកម្ម សកម្មចូលរួមសកម្មភាពចាត់ចែងពាណិជ្ជកម្មពហុភាគីនិងទ្វេភាគី ព្រមពេលជាមួយគ្នានេះក៏នឹងបន្តធ្វើកិច្ចសហប្រតិបត្តិការយ៉ាងស្និទ្ធស្នាលជាមួយនិងសមាជិកនានានៃអង្គការពាណិជ្ជកម្មពិភពលោក បង្កើនតួនាទីនៃប្រព័ន្ធពាណិជ្ជកម្មពហុភាគីដោយឥតឈប់ឈរ បង្កើតបរិយាកាសដែលកាន់តែមានសេរីភាពនិងភាពងាយស្រួលដល់ពាណិជ្ជកម្មពិភពលោកទាំងមូលទៀតផង៕
