ថ្ងៃទី ២២ ខែតុលា តុលាការកំពូលប្រទេសអេហ្ស៊ីបបានធ្វើការកាត់ក្តីទីចុងក្រោយ ដោយកាត់ទោសលោក Mohamed Morsi អតីតប្រធានាធិបតីឲ្យជាប់គុករយៈពេល ២០ ឆ្នាំ ពីបទបានចាប់ឃុំមនុស្សដោយខុសច្បាប់និងបង្ក្រាបទៅលើបាតុករដោយកម្លាំងហឹង្សាក្នុងសកម្មភាពតវ៉ានៅក្រៅទីស្តីការប្រធានាធិបតីនាឆ្នាំ ២០១២ ។
នេះគឺជាលើកទីមួយដែលតុលាការកំពូលអេហ្ស៊ីបបានធ្វើការកាត់កី្តទីចុងក្រោយទៅលើសំណុំរឿងរបស់លោក Morsi ។ នៅពេលមុននេះ លោក Morsi ធ្លាប់ត្រូវកាត់ទោសឲ្យប្រហារជីវិតនិងជាប់គុកអស់មួយជីវិតជាច្រើនលើក ដោយសារបទរត់ចេញពីគុកនិងបទចារកម្មជាដើម អនុលោមតាមច្បាប់អេហ្ស៊ីប លោក Morsi មានសិទិ្ធប្តឹងតវ៉ាចំពោះការកាត់ក្តី ហើយនៅទីចុងបំផុត តុលាការកំពូលនឹងធ្វើការកាត់ក្តីទីចុងក្រោយ ៕
