ថ្ងៃទី ២២ ខែតុលា លោក Li YuanChao អនុប្រធានរដ្ឋចិន និងជាបេសកជនពិសេសរបស់លោក Xi Jinping ប្រធានរដ្ឋចិន បានធ្វើដំណើរទៅកាន់ប្រទេសថៃដើម្បីគោរពវិញ្ញាណក្ខន្តព្រះមហាក្សត្រ ភូមិបុល អាឌុលយ៉ាដេត ។
ពេលជួបសន្ទនាជាមួយលោក Narong Pipattanasai ឧបនាយករដ្ឋមន្ត្រីថៃ លោក Li Yuanchao បានថ្លែងថា ទំនាក់ទំនងរវាងចិននិងថៃទទួលបានការអភិវឌ្ឍដោយបរិសុទ្ធនិងជានិរន្តរភាព គឺមិនអាចឃ្លាតឆ្ងាយពីការយកព្រះរាជហឫទ័យទុកដាក់និងព្រះរាជគាំទ្ររបស់ព្រះមហាក្សត្រ ភូមិបុល អាឌុលយ៉ាដេត និងព្រះរាជវង្សានុរង្សរបស់ប្រទេសថៃឡើយ ។ ព្រះបាទ ភូមិបុល អាឌុលយ៉ាដេតធ្លាប់មានព្រះរាជបន្ទូលថា ប្រទេសចិននិងថៃមានភាពជិតស្និទ្ធមិនអាចឃ្លាតពីគ្នាបានឡើយ ។ ភាគីទាំងពីរចិននិងថៃនឹងខិតខំប្រឹងប្រែងជំរុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរឲ្យអភិវឌ្ឍន៍ឥតឈប់ឈរ ដែលនេះគឺជាការជួយរំលែកទុក្ខដ៍ល្អបំផុតចំពោះព្រះមហាក្សត្រ ភូមិបុល អាឌុលយ៉ាដេត ។ ភាគីចិនយកចិត្តទុកដាក់ខ្ពស់ដល់ទំនាក់ទំនងរវាងចិននិងថៃ ហើយរក្សាយកចិត្តទុកដាក់ចំពោះមិត្តភាពជាមួយព្រះរាជវង្សានុវង្សថៃ ជឿជាក់ថា មិត្តភាពរវាងចិននិងថៃពិតជានឹងតកូនតចៅតរៀងទៅ ។
លោក Narong Pipattanasai បានថ្លែងថា សូមថ្លែងអំណរគុណដល់លោក Li Yuanchao ឧបនាយករដ្ឋមន្ត្រីចិនដែលបានអញ្ជើញមកគោរពវិញ្ញាណក្ខន្តជាពិសេស ក្នុងឋានៈជាបេសកជនពិសេសរបស់លោក Xi Jinping ប្រជានរដ្ឋចិន ការនេះបានបង្ហាញឲ្យឃើញនូវមនោសញ្ចេតនាយ៉ាងជ្រាលជ្រៅរបស់អ្នកដឹកនាំ រដ្ឋាភិបាលនិងប្រជាជនចិនចំពោះព្រះរាជវង្សានុវង្ស រាជរដ្ឋាភិបាលនិងប្រជាជនថៃ ។ សមាជិកព្រះរាជវង្សានុវង្សថៃតែងតែយាងទៅបំពេញព្រះរាជទស្សនកិច្ចនៅប្រទេសចិន មានចំណងមិត្តភាពយ៉ាងជ្រាលជ្រៅជាមួយប្រទេសចិន ហើយស្នងតាមព្រះរាជបណ្តាំរបស់ព្រះមហាក្សត្រ បន្តជំរុញបុព្វហេតុមេត្រីភាពរវាងថៃនិងចិនរីកចំរើនទៅមុខ៕
