ឧប្បត្តិហេតុរទេះភ្លើងរត់ចេញពីផ្លូវដែកដែលកើតឡើងនៅតំបន់Esekaភាគកណ្តាលប្រទេសកាមេរុនកាលពីថ្ងៃទី២១ខែតុលា បច្ចុប្បន្ននេះបានបណ្តាលឲ្យមនុស្សយ៉ាងហោចណាស់៧០នាក់ស្លាប់និង៦០០នាក់រងរបួស។
លោកBiyaប្រធានាធិបតីកាមេរុនបានតម្រូវឲ្យរដ្ឋាភិបាលចាត់វិធានការគ្រប់បែបយ៉ាងដើម្បីផ្តល់ជំនួយឧបត្ថម្ភដល់អ្នករងគ្រោះក្នុងឧប្បត្តិហេតុលើកនេះ ព្រមទាំងបានបញ្ជាឲ្យសមត្ថកិច្ចមានពាក់ព័ន្ធធ្វើការពិនិត្យអង្កេតចំពោះមូលហេតុនៃឧប្បត្តិហេតុ។
នៅថ្ងៃដដែល លោកBiyaបានប្រកាសថា ថ្ងៃទី២៤ខែតុលាជាថ្ងៃកាន់ទុក្ខទូទាំងប្រទេស ដល់ពេលនោះ នៅទូទាំងប្រទេសកាមេរុនព្រមនិងអង្គការប្រចាំបរទេសនានានឹងបង្ហូតទង់ជាតិត្រឹមពាក់កណ្តាលដើម្បីសម្តែងមរណទុក្ខ។
ថ្ងៃទី២១ខែតុលា រទេះភ្លើងដឹកអ្នកដំណើរមួយគ្រឿងដែលបើកពីរដ្ឋធានីយ៉ាអុនដេទៅកាន់រដ្ឋធានីសេដ្ឋកិច្ចDoualaបានកើតឧប្បត្តិហេតុរត់ចេញពីផ្លូវដែកនៅតំបន់Eseka។បច្ចុប្បន្ន បុគ្គលិកជួយសង្រ្គោះនៅតែបន្តរុករកអ្នករងគ្រោះនៅកន្លែងកើតហេតុ ហើយអ្នករងរបួសទាំងអស់បានត្រូវបញ្ជូនទៅដល់មន្ទីរពេទ្យដើម្បីទទួលការជួយសង្រ្គោះនិងព្យាបាល។