ថ្ងៃទី ៣០ ខែកញ្ញា លោកKerry រដ្ឋមន្រ្តីក្រសួងការបរទេសអាមេរិកបានផ្ញើសារជូនពរខួបទី ៦៧ ឆ្នាំនៃការបង្កើតសាធារណរដ្ឋប្រជាមានិតចិនថា កិច្ចសហប្រតិបត្តិការរវាងប្រទេសទាំងពីរអាមេរិកនិងចិនបានផ្តល់ផលប្រយោជន៍ដល់ប្រជាជននៃប្រទេសទាំងពីររហូតដល់ពិភពលោកទាំងមូលផង អាមេរិកនៅតែខិតខំដើម្បីបង្កើនទំនាក់ទំនងជាមួយនិងប្រទេសចិនដដែល ។
លោកKerry ថ្លែងថា ក្នុងឱកាសអបអរខួបទី ៦៧ ឆ្នាំនៃការបង្កើតសាធារណរដ្ឋប្រជាមានិតចិន លោកសូមតាងនាមឲ្យលោកអូបាម៉ា ប្រធានាធិបតីអាមេរិកនិងប្រជាជនអាមេរិក សម្តែងការជូនពរដ៏ស្មោះចំពោះប្រជាជនចិន ។ សហរដ្ឋអាមេរិកសូមជូនពរប្រជាជនចិនឲ្យឆ្លងថ្ងៃបុណ្យជាតិប្រកបដោយសេចក្តីសុខនិងភាពសប្បាយរីករាយ ។
លោកKerryមានប្រសាសន៍ទៀតថា ឆ្លងតាមរយៈកិច្ចសហប្រតិបត្តិការ ប្រទេសទាំងពីរអាមេរិកនិងចិននាំមុខពិភពលោកក្នុងការទប់ទល់នឹងបម្រែបម្រួលអាកាសធាតុនិងការគំរាមកំហែងលើវិស័យសុខាភិបាលនៅទូទាំងពិភពលោក ។ កិច្ចសហប្រតិបត្តិការរវាងប្រទេសទាំងពីរមិនគ្រាន់តែផ្តល់ផលប្រយោជន៍ដល់ប្រជាជននៃប្រទេសទាំងពីរប៉ុណ្ណោះទេ ប៉ុន្តែក៏បានផ្តល់ផលប្រយោជន៍ដល់ពិភពលោកទាំងមូលផងដែរ ៕