សន្និសីទរដ្ឋមន្រ្តីក្រសួងអប់រំនៃប្រទេសBRICSលើកទី ៤ បានចុះហត្ថលេខាលើសេចក្តីប្រកាសស្តីពីការអប់រំញូវដឺលី

ថ្ងៃទី ៣០ ខែកញ្ញា សន្និសីទរដ្ឋមន្រ្តីក្រសួងអប់រំនៃប្រទេសBRICSលើកទី ៤ បានសម្ពោធបើកនៅក្រុងNEW DELHI ប្រទេសឥណ្ឌា នៅក្នុងសន្និសីទ តំណាងនៃក្រសួងអប់រំនៃប្រទេសBRICSទាំង ៥ បានចុះហត្ថលេខាលើសេចក្តីប្រកាសស្តីពីការអប់រំNEW DELHI ។ លោកHaoping អនុរដ្ឋមន្ត្រីក្រសួងអប់រំចិនបានដឹកនាំគណៈប្រតិភូអញ្ជើញចូលរួមសន្និសីទនិងថ្លែងសុន្ទរកថា ។

សេចក្តីប្រកាសស្តីពីការអប់រំNEW DELHI បានគូសបញ្ជាក់ថា ប្រទេសBRICSគប្បីបង្កើនកិច្ចសហប្រតិបត្តិការអន្តរជាតិ ជំរុញការអប់រំប្រកបដោយបរិយាប័ន្ន ហើយសង្ឃឹមប្រទេសនានាអាចបង្កើនកិច្ចសហប្រតិបត្តិការខាងការអប់រំផ្នែកវិជ្ជាជីវៈ ការធានាគុណភាពអប់រំ ការរៀនសូត្រអស់មួយជីវិត ការបង្វែសមិទ្ធផលសាលាឧត្តមសិក្សានិងជំរុញការផ្លាស់ប្តូររវាងគ្រូបង្រៀននិងនិស្សិតជាដើម ។

លោកHaopingបានលើកពីគំនិតផ្តួចផ្តើមចំនួន ៣ ចំណុចអំពីសេចក្តីប្រកាសស្តីពីការអប់រំNEW DELHI ទី ១ គឺបង្កើនការផ្លាស់ប្តូរនិងកិច្ចសហប្រតិបត្តិការរវាងសកលវិទ្យាល័យនៃប្រទេសBRICS ទី ២ គឺលើឋកទឹកចិត្តឲ្យមានការរួមគ្នាធ្វើការសិក្សាស្រាវជ្រាវផ្នែកវិទ្យាសាស្រ្តនិងការរួមគ្នាបណ្តុះបណ្តាលអ្នកមានទេពកោសល្យ ទី ៣ គឺពង្រីកចរាចរណ៍រវាងគ្រូបង្រៀននិងនិស្សិត ផ្តល់ភាពងាយស្រួលនិងសេវាកម្មដល់ពួកគេដើម្បីរៀនសូត្រនិងសិក្សាស្រាវជ្រាវនៅប្រទេសគូភាគី ។ ការផ្តួចផ្តើមគំនិតខាងលើបានត្រូវទទួលស្គាល់កម្រិតខ្ពស់ពីសំណាក់តំណាងប្រទេសនានាដែលចូលរួមសន្និសីទ ហើយបានដាក់បញ្ចូលក្នុងសេចក្តីប្រកាសស្តីពីការអប់រំNEW DELHI ផងដែរ៕