ក្រសួងការពារជាតិចិនបានសំដែងអាកប្បកិរិយាស្តីពីកូរ៉េខាងត្បូងដាក់ពង្រាយប្រព័ន្ធTHAAD ហើយថ្លែងថា ភាគីចិនមិនទទួលខុសត្រូវជំនួសអ្នកដទៃក្នុងបញ្ហានុយគ្លែអ៊ែរកូរ៉េខាងជើង

ថ្ងៃទី២៩ខែកញ្ញា ក្រសួងការពារជាតិចិនបានធ្វើសន្និសីទកាសែតជាប្រចាំ លោក Yang YuJun អ្នកនាំពាក្យព័ត៌មានបានឆ្លើយសំនួររបស់អ្នកយកព័ត៌មានប្រទេសចិននិងបរទេសអំពីវេទិកាXiang Shan និងបញ្ហាចំណុចក្តៅដូចជាអាមេរិកនិងកូរ៉េខាងត្បូងដាក់ពង្រាយប្រព័ន្ធTHAAD ជាដើម។

លោក Yang YuJun បានថ្លែងថា វេទិកាXiang Shan លើកទី៧ដែលរៀបចំធ្វើដោយសមាគមន៍វិទ្យាសាស្រ្តយោធាចិននិងសមាគមន៍យុទ្ធសាស្រ្តអន្តរជាតិចិននឹងធ្វើនៅទីក្រុងប៉េកាំងពីថ្ងៃទី១០ដល់ថ្ងៃទី១២ខែតុលា។បច្ចុប្បន្ននេះមានប្រទេសនិងអង្គការជាង៦០បានបញ្ជាក់ថានឹងចាត់បញ្ជូនគណៈប្រតិភូមកចូលរួមវេទិកាលើកនេះ ក្រៅពីនេះ នៅមានតំណាងអ្នកប្រាជ្ញចិននិងបរទេសជាង១រយនាក់ចូលរួមផងដែរ។

Yang YuJun បន្តថា ភាគីចិនបានសំដែងគោលជំហរប្រឆាំងជាច្រើនលើកច្រើនសារមកហើយចំពោះការដែលអាមេរិកនិងកូរ៉េខាងត្បូងសម្រេចដាក់ពង្រាយប្រព័ន្ធប្រឆាំងគ្រាប់មីស៊ីលបាឡេស្ទិក THAAD នៅកូរ៉េខាងត្បូង យើងនឹងបន្តតាមដាននិន្នាការមានពាក់ព័ន្ធ ហើយនិងគិតគូរចាត់វិធានការចាំបាច់ គាំពារសន្តិសុខយុទ្ធសាស្រ្តជាតិនិងតុល្យភាពយុទ្ធសាស្រ្តតំបន់។